T:154005251200FR44109053 Aveu pour Kerminyhy

Almanach

Calendrier : Julien (ancien style) : Il faut attendre Pâques pour changer de millésime !

1001      1101      1201      1301      1401      1501      1601      1701      1801      1901      2001      2101 -|---------|---------|---------|---------|---------|--▼------|---------|---------|---------|---------|---------|-

---

Source : FRAD044 B 1235, Chambre des Comptes, parchemin [+plus>] [ folio 0, recto ] K/perCor~Conq et Rosprodan [ En marge : ] Laurens du Plesseix KemperCorentin Concq et Rospreden Adveu des manoirs et lieux nobles de K/minyhy et Penbual, présenté par Laurens du Plesseix Le xxve may M Vc XL Cotté viixxvi [ folio 0, verso ... blanc ... ] [ folio i recto ] C'est le mynu, denombrement et adveu des / terres, heritaiges, rentes et revenus, tant par denyers, bleds que aultrement / que noble escuyer Laurens du Plesseix seigneur du Kerminyhy, tient noblement / à foy, hommaige et rachapt quant le cas y eschyet du Roy nostre Sire usufructuaire du duché de Bretaigne, père et légitime administrateur / de Monseigneur le Dauphin, duc et seigneur propriétaire dudict duché, en et soubz les resors des barres et juridictions de Kempr-tin, Concq et Rosporden [sic]. Lesdictes choses luy advenu par le deceix de feuz Laurens du Plexis son père et Jehanne de Kermynyhy sa tante, décédés puis saize ans. Et premier en la paroisse de Lient, soubz la juridiction et recepte dudict Rospreden tient [ Le Manoir de Kerminy ] Le manoir et methairie noble du Kermynyhy o toutes ses yssues et appartenances contenant envyron sept vingts quinze [ = 155 ] journaulx de terre. Savoir [ folio i verso ] Soubs maisons, court, jardrins, vergiers et pourprins, envyron troys journaulx de terre. Soubs boys de haulte fustaille envyron cinq journaulx. Soubs pré et prerieres envyron vingt troys journaulx. Et en deux garaines èsquelles y a faulx et reffuge à coulnys [lapins] deffensables et prohibitifs à tous aultres que audict du Plesseix, l'une d'icelle appelée Goarem an Merdy et l'autre Goarem Lyguardec contenant en tout aultant l'une comme l'autre envyron cent journaulx de terre froide. Dedans lequel manoir et ses appartenances d'icelui y a coulomboer et reffuge à pigeons. Quel manoir et terre cy dessus spéciffiées ledict du Plesseix tient et profilte. Le parssur dudict manoir contient tant terres chauldes que froides en sept clos envyron vingt quart journaulx ( xxiiii journaulx ) [ folio ii, recto ] Et est tenu et profilté à tiltre de methaerie soubs ledict du Plesseix par Jehan CONAN à tiltre de ferme et methaerie à l'usement du pays, pour jouyr lesdicts du Plessix et Conan des revenus dudict manoir par moityé fournissant de semence et oupvriers d'aougst par moityé Iceluy manoir situé entre le chemyn qui conduict de Concqcarneau à Kerahes et le chemyn qui conduict de Rosperden à Torre [Tourc'h] [ Le Manoir de Penbuel ] Plus le manoyr et methaerie noble de Penbual contenant envyron vingt six journaulx de terre. Savoir Soubs maisons, jardrins, crèches, aires, courtils, rues et pourprins envyron ung journal de terre. Soubs boys de haulte fustaille joignant ledict manoir, envyron deux journaulx. [ folio ii, verso ] En terre chaulde en parcs et clostures envyron saeze journaulx. En terre froide, soubs pastures tant en parcs et clostures que frostaiges envyrons quatre journaulx. Quel manoir o sesdictes terres fors lesdicts boys est tenu et profilté à tiltre de convenant congéable à l'usement du terreouer soubs ledict du Plesseix par Jehan FLATRÈS et Jacques THOMAS pour il en payer par moitié de taille et convenant par chacun an à chacun terme de la sainct Michel Monte Garganne la somme de trante souls monnoye, cinq rennées forment, six rennées seille, sept rennées avoine mesure comble dudict Rospeden et quatre chappons. [ Kerheloret ou Kerangoc ] Item le lieu et villaige de Kerheloret contenant envyron quarente neuff journaulx de terre. Savoir Soubs maisons, aire, courtils, rues et pourprins [ folio iii, recto ] et boys de haulte fustaille, envyron deux journaulx de terre. Soubs terres chaudes en parcs et clostures envyron vingt cinq journaulx. En terres froides tant en parcs que en closture et que montaignes, frostaiges et yssues envyron dix-neuff journaulx. Quel lieu o lesdictes terres est tenu et profilté audict tiltre soubs ledict du Plesseix par Yvon CAZNEVET, Henry et Mahé LE GOC, Jehan MORVAN et Pasquier DANIELLOU consors, pour en payer de taille et ferme par chacun an audict terme, la somme de neuff livres monnoye, deux rennées froment, ung rennée et demy avoine, dictes mesures [ de Rospreden], et huict chappons. Et pour ce ... [ Keranbroc'h ] Le lieu, tènement et villaige de Keranbroc [ folio iii, verso ] contenant envyron vingt sept journaulx de terre Savoir Soubs maisons, crèches, courtils, aire, rues et pourprins, envyron ung journal de terre. Soubs terre chaude, envyron unze journaulx Soubs terres froides et frostaiges envyron treze journaulx. Et soubs prés et praeries envyron deulx journaulx. Quel lieu et villaige o lesdictes terres tiennent et profiltent audict tiltre soubs ledict du Plesseix Dom Jacques MORVEYEN, prêtre, Guillaume AULTRET, Guillaume et Yvon MORVEYEN pour en poyer de taille et convenant par chacun an audict terme de la sainct Michel la somme de sept Livres dix souls monnoye, ung rennée froment, deux rennées avoine et cinq chappons. [ folio iv recto ] [ Kerdaner ] Aussi le tènement, lieu et villaige o ses yssues et appartenances de Kerdanezre contenant envyron trante deux journaulx de terre. Savoir Soubs maisons, aire, courtils, rues et pourprins, envyron ung journal de terre. Soubs terre chaulde en parcs et clostures envyron traize journaulx. En terre froide, tant en parcs et clostures que montaignes et frostaiges envyron quatorze journaulx, tenu et profilté audict tiltre par Yvon, Raoul et Guillaume MORVEYEN soubs ledict sieur du Kermynyhy, pour luy en poyer par chacun an audict terme de taille et convenant la somme de unze Livres monnoye, ung rennée raise forment, deux rennées et demy avoine et cinq chappons. [ folio iv, verso ] [ Ty Palmer ] Oultre le lieu et tènement d'héritaige o ses yssues et appartenances appellés Ty an Palmer contenant envyron vingt neuff journaulx de terre. Savoir Soubs maisons, crèches, aire, courtils, rues et pourprins envyron ung demy journal de terre. Et en terre chaulde soubs gaingneryes de bleds et parcs et clostures envyron quinze journaulx. En terres froides soubs pastures tant en parcs et clostures que montaignes frostaiges et yssues dudict tènement envyron neuff journaulx de terre et soubs prés et paeries envyron ung journal. Quel tènement Guillaume LE ROY tient et profilte audict tiltre de convenant dudict du Plesseix pour en poyer par chacun an audict terme, de taille et ferme, la somme de cent souls monnoye, ung rennée raise forment, deux rennées avoine, deux moutons et quatre chappons. [ folio v, recto ] [ Parc an Salou ] Plus un parc et piece de terre cerné de fossés appellé Parc an Salou situé ès appartenances du villaige de Kerdanezre contenant envyron deux journaulx de terre chaude, tenu et profilté audict tiltre par dehors, par Guillaume LE ROY, le Jeune soubs ledict du Plesseix pour luy en poyer par chacun an audict terme de sainct Michel la somme de vingt cincq souls monnoye. [ Parc an Asquellegues ] Aussi, aultre parc et piece de terre close appellée Parc an Asquellegues contenant envyron deux journaulx de terre chaulde site près ledict villaige de Ty an Palmer en ladicte paroisse de Lient, tenu aussi et profilté à pareil tiltre que devant soubs ledict du Plesseix par Yvon COZ dict DAVID pour en payer de taille et convenant par chacun an audict terme, la somme de sept souls six deniers. [ BotDaniel Ros Kerminy Parc Pen an Caront ] Item deux parcs et pieces de terre vulgairement appellés tant l'une Ros Kermynyhy et l'autre Parc Pen an [ folio v, verso ] Caront contenant envyron deux journaulx de terre froide site près le villaige de Bot Daniel en ladicte paroisse de Lient. Quelles pieces de terre sont tenues et profiltées par dehors audict tiltre de convenant par Henry LE MOREL et Lucas LAENNEC soubs ledict du Plesseix pour luy en poyer par chacun an audict terme de taille et convenant la somme de traize souls quatre deniers et deux chappons. [ BotDaniel An Lernyc ] Aultre parc et piece de terre appellé An Lernyc contenant envyron ung journal et demy de terre froide site entre les villaiges de Keraudren et Keranbaelec d'un et aultre endroicts. Queulx pareillement tiennent et profiltent par dehors audict tiltre soubs ledict [ folio vi, recto ] du Plesseix Yvon LE LIGOUR et Allain LISAN pour en poyer de taille et conveannt par chacun an à chacun terme de la sainct Michel Monte Garganne la somme de dix souls monnoye. [ Coetelan ? ] Item, aultre parc et piece de terre appellé [... blanc ...] contenant envyron quatre journaulx de terre partie chaulde et partie froide située entre les villaiges de Tremesten et Keroudrein d'un et d'aultre endroicts tenu et profilté audict tiltre soubs ledict du Plesseix par Anthoine et Hervé LE ROY, Charles LE ROY et Hervé LORDENEC pour luy en poyer de taille et convenant par chacun an audict terme vingt troys souls quatre deniers monnoye, ung rennée avoine et deux chappons. [ folio vi, verso ] [ Keraudren ] Plus aultre lieu et tènement o ses yssues et appartenances appellé Keraudren contenant envyron quinze journaulx de terre, Savoir Soubs les maisons, courtils, aire, rues et pourprins envyrin ung journal de terre. Soubs terre chaulde en parcs et clostures envyron huict journaulx. En terres froides tant en parcs que clostures et frostaiges envyron six journaulx. Quel lieu et convenant o lesdictes terres est tenu et profilté soubs ledict du Plesseix audict tiltre par Rolland le COUP et Guyon MORVAN pour par chacun an audict terme en poyer de taille et ferme la somme de quatre Livres monnoye, ung rennée avoine et quatre chappons. [ folio vii, recto ] [ Run Uhelaff ] Item, aultre lieu et tènement o ses yssues et appartenances nommé An Run Uhellanff contenant envyron dix neuff journaulx de terre. Savoir Soubs maisons, crèches, courtils, aire, rues et pourpris envyron ung journal. Soubs terre chaulde en parcs et clostures envyron? dix journaulx. En terre froide tant closes que frostes cinq journaulx. Et soubs prés et praeries envyron troys journaulx tenu pareillement et profilté audict tiltre de convenant soubs ledict du Plesseix par Yvon, Hervé et Grégoire BUZARÉ pour en poyer de taille et ferme par chacun an audict terme de la sainct Michel la somme de six Livres dix sols monnoye, trois rennées avoine et six chappons. [ folio vii, verso [ Près de Ty Caro ] Aultre lieu et tènement d'héritaige non herbregé o ses yssues et appartenances contenant envyron sept journaulx de terre. Savoir De terres chaulde envyron quatre journaulx. Et en terre froide envyron troys journaulx au long du grand chemyn qui conduict dudict manoir de Kermynyhy au bourg parrochial du Lient entre les villaiges vulgarisés Ty an Carou, An Kernévez et Keranbriquyn d'un et aultre endroicts et est tenu et profilté par dehors audict tiltre soubs ledict du Plessix par Allain et Jehan LE GALL pour en poyer par chacun an audict terme de la sainct Michel, la somme de quarente cinq souls monnoye, une rennée avoine et deux chapons. [ Ty Caro ] Aussi aultre lieu tènement et villaige [ folio viii ] ses yssues et appartenances appellé Ty an Carou contenant envyron quarente cinq journaulx de terre. Savoir Soubs maisons, crèches, courtils, aire, rues et pourpris envyron ung journal et demy de terre. En terre chaulde en parcs et clostures envyron dix huict journaulx et demy. Soubs terre froide tant en parcs et clostures que frostaiges envyron vingt quatre journaulx. Et en prés et praeries envyron deux journaulx. Et est ledict lieu o ses dictes yssues et apartenances pareillement tenu et profilté audict tiltre soubs ledict du Plexis par Laurens LE GAL pour payer par chacun an à chacun dit [ folio viii, verso ] terme de sainct Michel en poyer de taille et ferme la somme de cent souls monnoye, ung rennée et demy comble avoine et six chappons. En la paroisse de Pomerit [ Peumerit ] [ ] Item ung aultre tènement et villaige o ses yssues et appartenances site au villaige de Kergueñebret soubs [... blanc ...], dame de Kerazan que tient Jehan LE BRUN ? et Berthelem [... blanc ...] Savoir Soubs maisons, crèches, courtils envyron ung journal. Soubs terre chaulde envyron dix journaulx. Soubs terre froide, pasturaiges et frostaiges envyron dix-huict journaulx. [ folio ix, recto ] Soubs pré ung journal et demy d'un faulcheur, pour en payer chacun an au terme de sainct Michel audcit sieur du Plesseix la somme de dix Livres monnoye de taille. Cleden [ Cleden-Cap-Sizun ] [ Keringar ? ] Item, le lieu estaige et tènement nommé et vulgairement appellé Kerangar site en ladicte paroisse contenant soubs maisons, courtils, pourpris et yssues envyron ung journal de terre. En terre chaulde envyron troys journaulx. Et en terre froide, frostaige et montaigne envyron ung journal. Quel lieu et tènement tiennent soubs ledict de Kermynyhy Raoul AZCHAN, Hervé RESONET et Yvon KERRODEC à pareil tiltre de convenant pour luy en poyer par chacun an audict terme de sainct Michel la somme de quarente souls monnoye. [ folio ix, verso ] Ploegoff [ Plogoff ] [ Lambalen ? ] Une aultre tenue et estaige site au villaige de Lambalen en ladicte paroisse que tient Jehan ..dec et Jacques SCOLAN à pareil tiltre devant pour en poyer audict du Plessix par chacun an audict terme la somme de qutre Livres dix souls. Tourch [ Tourc'h ] [ Kervidal ] Item, le manoir et tènement o ses yssues, appartenances et deppendences que tiennent Mahé PENDU et les enffans de Estienne LAZ dudict du Plessix à pareil tiltre site en ladicte paroisse, nommé Kerimedel pour luy en poyer par chacun an audict terme la somme de seix Livres monnoye, deux rennées avoine et huict chappons. [ Kerzaniou ] Item, le tènement de Kerdanyou o ses appartenances et deppendences site en ladicte paroisse que tient à pareil tiltre Estienne LAZ dudict du Plesseix pour luy en poyer chacun an audict terme la somme de soixante souls monnoye, ung rennée avoine et deux chappons. [ folio x, recto ] [ Kerhéré ] Item, ung aultre lieu et villaige que tiennent et où demeurent Guillaume LE GUENNER, Jehan LE GUIFFANT garde des enffans [de] feu Guezennec LE GUENNER, Allain LE GUENNET et Hervé LE GUENNET appellé Keranquéré o ses appartenances et deppendances qu'ils tiennent à pareil tiltre que dessus. Item, un parc appellé An Parc nevez contenant envyron ung journal de terre. Item aultre parc appellé Parc an Yt contenant envyron un journal de terre. Item, aultre parc appellé An Parc tirien contenant envyron deux journaulx de terre chaude. Item, ung parc appellé Parc an Durudul contenant envyron ung journeau et demy de terre froide. Item, aultre parc appellé Parc an [ folio x, verso ] Durudul contenant envyron de ung journeau de terre. Item, en aultre parc appellé Parc an Lannec marre contenant ung journeau de terre. Item, ung parc appellé Parc an Lannec contenant envyron ung journeau de terre. Item, en aultre parc appellé An Enessen contenant envyron deulx journeaulx de terre. Item, aultre parc appellé Prat Falch contenant envyron deux journaulx de terre. Quels héritaiges cy-dessus sont site d'un endroict sur terre au sieur du Pont, d'aultre endroict sur terre au sieur de Coetforn tenus par Allain KERESLOU et ses consors, d'aultre endroict sur terre tenu par Henry et Guillaume CALAEZ [CALVEZ ?] et debvoir par an audict sieur du Kermynyhy à chacun jour et feste de sainct Michel Monte Garganne la somme de soixante deux souls six deniers monnoie, deux renées avoine et une ? renée froment, deux chappons o les corvées acoustumées. [ folio xi, recto ] [ Kericuff ] Item, le lieu et villaige de Kerycuff o ses maisons, pourpris, crèches, courtils, aires et aultres appartenances site en ladicte paroisse de Tourch conenant ung journeau de terre ou envyron. Lequel tiennent dudict sieur à pareil tiltre Guézennec LE SCOEZEC [ ! ] et Jehan LE DU, Bertrem LE DU et la vesve [veuve] de Vincent LE SCODEC [ SCOEZEC ? ]. Avecques un parc appellé Parc an Yt contenant envyron ? ung journeau et demy o son pré ou envyron. Item, aultre parc appellé Parc an Fenten contenant envyron ung journeau et demy de terre o son pré séparé d'un foussé. Item, ung aultre pré appellé Parc an Roudoez o son pré séparé d'un fossé contenant envyron ung journeau de terre. [ folio xi, verso ] Item, aultre parc appellé An Parc nevez contenant envyron ung journeau de terre. Item, aultre parc appellé Parc an Yt contenant envyron ung journeau de terre. Item, aultre parc appellé Parc an Dres contenant envyron ung journeau de terre. Item, aultre parc appellé Parc Tirien Yselanf contenant envyron ung journeau de terre. Item, aultre parc appellé Parc an Tirien Uhelanff contenant envyron vingt seillons de terre. Item, aultre parc appellé Parc an Runnent~ contenant ung journeau de terre. Item, parc appellé Parc an Barduon~ contenant envyron ung journeau de terre. [ folio xii, recto ] Item aultre parc appellé Parc Nevez o quenech ~ contenant envyron ung journau de terre. Item, aultre parc appellé Parc an Barennou contenant envyron? un journau et demy de terre chaulde. Item, aultre parc appellé Parc an Stang contenant envyron un journeau de terre. Item, ung aultre parc appellé An Ros contenant envyron ung journau et demy de terre froide. Item, aultre parc appellé Parc Douar an Kermynyhy contenant envyron deulx journaulx de terre froide. Item, aultre parc appellé An Stang guen contenant envyron ung journeau et demy de terre. Item, aultre parc appellé Parc an Becheral~ contenant envyron ung journeau de terre. Item aultre parc appellé Parc tre an diou Ru~ contenant envyron ung journeau de terre. Item, ung pré et fenier appellé Foennec an Don~ [ folio xii, verso ] contenant envyron ung journeau et demy de faulcheur. Quels héritaiges sont situés d'un endroict sur terre au sieur du Pont, tenus par Jehan LE REST et ses consors, d'aultre endroict sur terre à Jehan LE GORJU et d'aultre endroict sur terre au sieur de la Ripvière, tenus par lesdits DUZ.... consors, d'aultre endroict sur terre audict sieur. Et debu par an audict sieur [...blanc ?...]. [ Rosjourdren ] Item, le lieu et villaige de Rouchordren situé en ladicte parroisse de Tourch o toutes ses appartenances, maisons, porte, pourpris, aire et courtils contenant demy journeau de terre ou envyron que tient dudict sieur à pareil debvoir que dessus Bertran HELGOMARCH [ blanc ?] Avecques ung parc nommé Parc an Coet [ folio xiii, recto ] contenant envyron deulx journaulx de terre chaude. Item ung aultre parc nommé An Parc bras contenant envyron deux journaulx de terre chaude. Item, un aultre parc nommé Parc a uz~ an hent a ia d'an Feunteun contenant envyron deulx journaulx de terre froide. Item, ung aultre parc nommé An Parc Creys contenant envyron deux journeaulx et demy de terre chaulde. Item ung aultre parc nommé Parc an Foennec contenant envyron deux journeaulx de terre chaulde. Item, ung aultre parc de pareil nomn nommé Parc an Foennec contenant ung journal de terre froide. Item, ung aultre parc nommé Parc bihan contenant envyron deux journeaulx de terre froide. Item, ung aultre parc nommé Parc an Ros contenant ung journel de terre froide [ folio xiii, verso ] contenant un journel de terre froide [ texte répété à tort ? ] Item, ung aultre parc nommé Parc a uz an Ty contenant envyron ung journel de terre chaude. Item, ung aultre parc nommé Parc an Lueou contenant envyron ung demy journel de terre chaulde. Item, ung parc et fenyer fauchable nommé An Foennec moen contenant ung journel de terre. Item ung aultre pré et fenyer fauchable nomé An Foennec bihan contenant envyron ung demy journel. Quels héritaiges sont situés et fèrent d'ung endroict devers soleil couchant [ Levant ? ] sur le Boys de Coetleloret appartenant au sieur du Pont, d'aultre endroict devers le Midy sur terres des appartenances du villaige de Kerguyguen appartenant à Yvon LE TRODEC, d'aultre endroict devers souleil couchant sur terres audict sieur du Pont queulx tiennent [ folio xiiii, recto ] Alain et Jehan PAIGE, d'aultre endroict devers le Nort sur terres audict sieur du Pont queulx tient et profilte à présent Paoul DANYEL. Et ce pour en poyer audict sieur audict terme la somme de cinquante cinq souls monnoye, deux renées avoine comble, ung mynot froment et deux chappons o les corvées acoustumées. [ Kerloyou ] Item, un aultre villaige appellé Kerblohio situé en ladicte parroisse contenant o ses appartenances et deppendences quelconques avecques deux parcs et pieces de terre joignants ensemble deux journaulx de terre froide ou envyron ; ferant devers Soleil cutant ? sur terres audict sieur de Kermynyhy tenu par Missire~ Pierres LE DU et Jehan LE DU du villaige de Kerycuff, devers le Nort sur terres au sieur de Treffanec tenus par Yvon et Guezennec LE SCOAZEC ~, devers Orient sur terres au sieur du Pont, et devers Midy sur terres audict sieur du Pont tenus par ledict Jehan LE REST. Quel villaige et heritaiges tiennent à pareil que devant Jehan LE REST [ folio xiiii, verso ] et Agathe JOYENOU ~ et Jehan LE REST son fils pour en poyer chacun an et audict terme audict du Plesseix la somme de six souls et huict deniers monnoye, une rennée avoyne et ung chappon. [ Kerlévic ] Item, le villaige et tènement o ses yssues et appartenances nommé Kerlynyczic situé en ladicte parroisse que tiennent Guillaume QUÉRÉ et Yvon LE COZQUER à pareil tiltre dudict du Plesseix pour luy en poyer audict terme la somme de six Livres dix souls monnoye, deux rennées avoine et quatre chappons et une rennée comble froment. [ folio xv recto ] Elyent [ Elliant ] [ BotDaniel ] Item, le tènement o ses yssues et appartenances de BotDeniel situé en ladicte parroisse d'Elyent ouquel demeurent Henry LE MOAEL, et Lucas LE LAENNEC à pareil tiltre dudict du Plesseix pour luy en poyer par chacun an et audict terme la somme de huict souls quatre deniers monnoye et deux chappons. Item, lesdicts Henry LE MOAEL et Lucas LEMAENNEC [Le Laennec] doibvent audict du Plessix par chacun an à cause de leurs maisons et demeurances qu'ils ont audict villaige de Botdaniel la somme de cinq souls de rente annuelle. [ Keraudren ] Item, une garenne de terre froide avecques ung molin à fouller draps scitué au villaige de Keraudren en ladicte parroisse que tient Pierres LE MOAEL à pareil tiltre dudict dudict du Plesseix pour luy en poyer par chacun an audict terme la somme de dix Livres cinq souls monnoye. [ folio xv, verso ] Elyent [ Elliant ] Chefrantes deues par froment audict du Plesseix avecques juridiction foy hommaige et rechapt à luy ... poyées au jour de la Chandeleur audict bourg parochial de Elyant par lesdicts personnes cy après nommées Et premier [ Penvern ] Dessus les terres Lanroux site au villaige de Penguern à présent ? Jehan KERDEHAST, Jehan CONAN et leurs consors cinq quarterons froment mesure de Kermynyhy. [ Cosquer-Fresq ] Item, dessus les terres dudict Lanros site ou villaige de Cozquer à présent Allain JOUHAN ung quarteron froment prédicte mesure. [ Mengleuz ] Item dessus les terres dudict Lanros site ou villaige de Mengluy que tient Raoul LE GUYFFANT quatre quarterons froment. [ folio xvi, recto ] [ Kerverniou ] Item, sur les manoirs de Kervernyou et Kerouyan tenus et profiltés par Artur de LESMAES sieur desdicts lieux, troys quarterons froment prédicte mesure. [ Kerfors ] Item, dessus la terre de Kerforñ à présent Germain LE MEUR oudict villaige deux quarterons froment. [ Keraudren ] Item, dessus les terres de Keraudrain à présent Guézennec MORVAN et Margarite CRAN site oudict villaige ung quarteron froment. [ BotDaniel ] Item, dessus les terres Henry BUHARAY [ BUZARÉ ] et Jehan LE BIHAN site au villaige de Botdaniel ung quarteron froment. [ Keranguen~ ] Item, dessus les terres de Kerguenou tenues par Yvon LE MEN site au villaige de Kerenguen ? deux quarterons froment. [ Keryannic ] Item, dessus les terres de Michel CAVELLAT folio xvi, verso ] et Jehan NYCOT situées ès villaiges de KerJehañyc et Kerguillec deux quarterons froment. [ Run Uhelaff ] Dessus les terres de Yvon, Hervé et Grégoyre BUZARÉ sites au villaige de Run ung quarteron froment. [ Larlan ] Item, dessus les terres de Rolland COUP site au villaige de Larlan (sic) ung quarteron froment. [ Kervéant ] Item, sur le manoir de Kervesant apartenant au sieur de Mesanlès tenu par Oliv[ier] KERVEZANT ung quarteron froment. Sur lesquelles chefrentes cy-dessus déclarées ledict du Plesseix confesse devoir à nostredict souverain seigneur par chacun an audict jour et feste de Chandeleur vingt troys quartiers de froment à estre poyés au recepveur de ladicte juridiction de Rospreden audict bourg de Elient. [ En marge : ] XXIII qãterons frt deuz au Roy [ folio xvii, recto ] En la parroisse de Ergué Arssel [ En Ergué-Gabéric ! ] [ Sulvintin ] Item, le lieu et tènement que tient et ou demeure Allain POUPON au villaige de Scoulintin à pareil tiltre que dessus dudict du Plesseix pour luy en poyer chacun en audict terme. Savoir Par froment iiii ren comble Par seille iii ren Par avoine iiiiren com Par chappons ii chappons et par argent xxv s. Item, le lieu et tènement que tient et ou demeure Guillaume GLEFFERS audict villaige à pareil tiltre dudict du Plesseix pour luy en poyer chacun an audict terme susdict? quatre rennées et demy froment, troys rennées seille, quatre rennées et demy avoyne le tout comble, deux chappons et par argent vingt cinq souls. [ Peut-être des acquisitions des Kerminihy notaires ou autres à Quimper dont Laurens a hérité ? ou Jeanne sa tante ? ] [ folio xvii, verso ] [ Près de Créac'h Congar ] Item, un parc appellé Parc Kerguelen site ès methes du manoir CrenchGongar en ladicte paroisse de Ergué Arssel, tenu par le sieur de CrenchGongar à pareil tiltre dudict du Plesseix pour en payer chacun an audict terme vingt souls monnoie. Et pour ce xx s. Quel Laurens du PLESSEIX sieur dudict lieu de Kermynyhy a esté présent devans nous par nostre court de Nantes, à laquelle il s'est submys et se submect par son serment avecques touz ses biens quant à ce que ensuilt et après ce, a cognu et confessé que par cause des héritaiges, rentes, chefrentes, fiefs, seigneuries, jurisdiction et convenans cy dessus, il doibt à notredict souverain seigneur les foy homaige et rachapt quand le cas y eschiet et qu'il doibt en oultre obeyr et faire obéissance audict seigneur que homme tenant prochement et ligement en pareil cas doibt et est tenu faire pour son seigneur selon le nature du fief. Et tout ce que dessus a ledict du Plesseix cognu et confessé estre vray et ainsi l'a promis et juré tenir par son serment et sur l'ypothèque de tous le sien. Et par nous de son plaisir et assentement a ainsi le fait et tenir cy a esté condempné. Donné tesmoing le scel estably aux contracts d'icelle ; ce fut faict et le gré prins en la maison de la Chambre des Comptes dudict seigneur scituée en la Ville de Nantes. Le vignt cinquiesme jour de may l'an mil cinq cens quarante. [ Signatures de : ] Lubin ?, passe L. ? de SAINCTDO, passe