Source : FRAD044 B 677 [i]
Rospreden
Parc de Lisle
Bail afferme faict par la Court
de Rospreden par lequel
Rolland de Lesandevez, recepveur
baille à tiltre de ferme à Bernard
Le Lan, la moictié d'une piecze
de terre appellée Parc de
Lisle. Ledict bail dabté le
Viieme de mars m iiiic LXiiii
Le VIIème jour de febvrier l'an mil IIIICC sexante quatre par notre Court de Rospreden, Alain de LESANDEVEZ, receveur
dudit lieu de Rospreden pour le Duc mon souverain seigneur, bailla et livra à tiltre de ferme durant le temps de neuff
ans prouchains venants à Bernard LE LAN la moitié et la part appartenante à mondit souverain seigneur d'une piecze
de terre et parc nomé le Parc de l'Isle estante moitié par moitié en nondevis d'entre mondit souverain
seigneur et Jehan de ROSMADEC jouxte l'estang ès mectes et près de ladite ville de Rospreden en la paroisse de Elyent
pour la somme de sexante souls monnoie chacun an debvoir estre payée dudit Bernard audit receveur à chacune feste
de la saint Gille à commenczer le premier poiement à ladite feste prochaine et continuer durant ledit temps de
neuff ans ; sauff vont? dit et appointé d'entre lesdits receveur et Bernard quel ledit Bernard pourra closre
et fossoyer ledit parc s'il voit ladite affaire ? et que d'iceulx fossés et clotures soit réparé et poié
avant estre mis hors de ladite ferme. Néanmoins lesdits neuffs ans révolus auxi pourra ledit Bernard ecaubuer
ledit parc sans poier nul debvoir de champart fors lesdits sexante souls. Et est [sera ?] le clos mis oudit lieu
de Rospreden au premier juydy de mars prochain venant ; scel ? juré, gréé et obligé o garantage en maïre?
forme des contracts o touctes renonciations les jours et ans que dessus. Et d'empuis audit juydy septième
jour de mars dudit an mil IIIIct sexante quatre en ladite ville de Rospreden amprès que Yvon SALOU sergent
eust relaté audit bien et deuement bany ledit marché et ferme quel dessus ès lieulx accoustumés pour tielles bannies
fere, fist ledit receveur alumer la chandelle et bannir en ladite ville si home voulsit giecter ne plus de
pussilt donner? et pour ce que home ne vint ad ce faire desmoura ladite ferme o ledit LAN en la forme
de p...mant? et fut auctorizé de Jehan son père ; scel ? gréé et juré comme devant est.
[signatures de : ]
FIENAIRE ? passe Y? SALOU, passe
|