22 mai 1623 : Aveu et minu de Guillaume Caillebotte pour Dioulan

De Milamzer
Révision datée du 1 juillet 2022 à 11:58 par Manager (discussion | contributions)
(diff) ← Version précédente | Voir la version actuelle (diff) | Version suivante → (diff)
Sauter à la navigation Sauter à la recherche

Almanach
Almanach

Calendrier : Grégorien

1001      1101      1201      1301      1401      1501      1601      1701      1801      1901      2001      2101
-|---------|---------|---------|---------|---------|---------|--------|---------|---------|---------|---------|



Nous sommes le 22 mai 1623 à Concarneau au tablier du notaire Charles de La Font.
Guillaume Caillebotte est venu parapher un aveu et minu pour son manoir de Dioulan qu'il a hérité de son frère Allain Caillebotte.
Cependant, Ysabelle Jahouen, la veuve de Allain, doit profiter de Dioulan à tiltre de douaire et viage sa vie durante seullement




Source : FRAD044_B_1212, Aveu de Christophe Caillebotte, cahier, parchemin / DSCN8480.JPG



Minu, adveu et desnombrement des terres et héritages que escuier Guillaume Caillebotte, sieur de Kerleano, Langoet, Dioullan, etc. tient prochement et ligement à debvoir de foy, hommage et rachapt quand le cas y advient en la Jurisdiction de Rospreden, de et soubs le Roy nostre Sire, auquel Il fournist et présante et à nosseigneurs de sa Chambre des comptes en Bretaigne, establis à Nantes et iceulx héritages et terres luy estre escheus et advenus par le décès de deffunct escuyer Allain Caillebotte vivant sieur dudit lieu de Dioullan son frère. Et ledit lieu à présent profilté par damoiselle Ysabelle Jahouen à présent veuffve dudit deffunct, à tiltre de douaire et viage sa vie durante seullement.


Et Premier



Ledict lieu et manoir noble de Dioullan sittué en la parroisse d'Elliant, jurisdiction de Rospreden, avecq ses issues et apartenances tant terres chaudes que froides, garaines, prés, prairyes, bois de haulte fustaye et autres bois despandants d'icelluy, aplacements de maisons et vieilles mazières à présent ruynées, desmolies et bruslées, consistant icelluy lieu en ce qu'ensuilt

SCAVOIR :
Soubs maisons, jardrins, aire, proupris, bois de haulte fustaye, une journée de terre.


Plus un parc appellé Parc an Leur, contenant une aultre journée de terre chaude à quatre chevaulx donnant devers solleil levant sur le grand chemin menant de Kemperlé à Kemper-tin


Plus aultre parc appellé Parc Croix contenant une journée et demye de terre chaulde à quatre chevaulx donnant sur ledit chemin menant de Kemperlé à Kemper-tin.


Aultre parc appellé Parc an Ouen~ contenant une journée et demye de terre chaude à quatre chevaulx donnant sur ledit chemin menant dudit Kemperlé à Kemper-tin.

[folio 1, verso]

Ung parc appellé Parc Pel, contenant autre journée et demye de terre chaude à quatre chevaulx, donnant sur ledit chemin.


Plus ung parc apellé Parc Kerhaes contenant une journée de terre chaude donnant sur le chemin qui mène du bourg de Coray à Concq-au.


Aultre parc apellé Parc Tirien contenant demye journée de terre chaude et demye journée de terre froide donnant sur terre apellée Ruanlan profiltée par Arnaud Le Courant.


Plus un parc apellé Parc Moin contenant vingt et cincq seillons de terre froide chaude donnant sur le grand chemin qui menne de Rospreden à Kemper-tin.


Autre parc nommé Parc Frost contenant une journée et demye de terre froide donnant sur terre audit Courant.


Plus ung parc nommé Parc Len an Rannet [ l'étang aux rainettes ? ] contenant une journée de terre froide donnant sur terre audit Courant.


Ung aultre parc nommé An Gozillis [ La vieille église ] avecq ung petit pré estant au bout contenant ensemble une journée de terre froide donnant sur terre profiltée par Allain Le Pétillon.


Autre parc apellé Parc an Lanpart donnant sur terre profiltée par Nedellec Le Guiffand contenant ledit parc environ une journée de terre froide.


Plus autre parc apellé Parc an Lampart Creix contenant environ une autre journée de terre froide ferant sur terre profiltée par Ambroise Cantin dict Sans Soucy.


Autre parc nommé Parc an Funtun [feunteun] contenant environ une autre journée de terre froide donnant de tous endroicts sur les terres dudit Manoir de Dioullan.

[folio 2, recto]

Plus une garenne nommée [Goarem ?] Uhellaff contenant une autre journée de terre froide ou environ donnant sur terres profiltées par lesdicts Cantin et Guiffand.


Autre parc nommé Parc Coetmorn contenant environ de deux journées de terre froide donnant sur terre audit Guiffand.


Plus autre parc nommé An Mengleu contenant environ une journée et demye de terre froide donnant sur terre au sieur de Carné, despandant du Manoir et seigneurye de Coetmorn.


Ung pré nommé Prat Ru, contenant quatre journaux de terre non fauchable donnant sur terres profiltées par ledit Allain Pétillon.


Plus autre pré nommé Prat an Baraou [barennou ?] contenant environ cincq journées de terre froide non fauchable donnant sur les terres dudit manoir de Dioulan.


Plus ung parc apellé Prat bras, contenant environ cincq autres journées de terre froide non fauchable donnant sur terres audit Nedellec Le Guiffand.


Et trois autres petittes prées s'entre joignantes apellées Les Prairies de CoetMorn contenantes chacune d'icelles une journée de terre froide, donnantes sur terres despandantes du Manoir de CoetMorn apartenant audit sieur de Carné et sur terres à Françoys Sallaün et Henry Tepault.


Iceulx heritaiges à présent profiltés à tiltre de simple ferme par Jan Phelippes pour en payer l'an la somme de vingt quatre Livres tournois à ladite Jahouen en ladite qualitté de douairière sans qu'il soict deu aulcune cheffrante sur iceulx ; affirmant ledit sieur de Kerléano par foy et serment le présant mynu contenir véritté, promettant porter toutte obéissance, foy et fidellité au Roy nostre Sire soubs obligation de tous ses biens o protestation qu'il faict qu'en cas qu'il auroict rien obmis au présent mynu d'y adjouster, ne trop mis de diminuer lors qu'il en aura la congnoissance. Et pour ce qu'il l'a ainsin voullu, promis, juré tenir et non venir encontre a esté de son consant et requeste, par nous notaires royaulx héréditaires et receus en la Court et seigneuryes de Concq, Foesnant et Rospreden, condemné et le y comdemnons. Faict et gréé à Concq au tablier de Me Charles de La Font notaire royal soubsignant, soubs le signe dudict sieur de Kerleano y mis le vingt et deuxiesme jour de may mil six cents vingt et trois.


[signatures de :]

Guillaume Caillebotte $ $

de La Font, notaire royal
Billette, notaire royal


Ce jour en l'audiance ordinaire et puplicque de la Court et siège royal de Concq, Fouennant et Rospreden est comparu escuier Guillaume Caillebotte, sieur de Kerleano, Dioullan, Langouet, Portambarh etc. assisté de maistre Pierre du Val son procureur recqerant lequel parlant par maistre [ ... blanc ... ] advocat, a esté lecture faicte à haulte voix de deux arrests de nosseigneurs de la Chambre, dabtés respectivement du vingt deuxiesme jour de juign mil six cents vingt troys signés Le Brethon, et scellés portant renvoy en ce siège des adveus, mynus et desnombrements desdicts lieux et mannoir de Dioullan et Portzambarh, leurs apartenances et despandances sittués ès parroisses d'Ellyant et Beuzec Concq amplement confrontés par iceulx, dabtés respectivement du vingt deuxiesme jour de may et cinquiesme de juign mil six cents vingt et troys, signés Guillaume Caillebotte et Billette notaire roïal et de La Font [folio 3, verso] notaire royal et scellé pour y estre leu, puplié [publié] et blasmer suivant les ordonnances. Apprès laquelle lecture desdicts arrests et sur ce ouy et les recquerant aussy maistre Guillaume Caillebotte Kerandonff, substitud de monsieur le procureur du Roy, a esté acte décerné à valloir et servir comme de raison à? la lecture et puplicquation desdicts arrests et ordonné qu'ils seront registrés au greffe de ceste Court et y demeurera aussy coppye desdicts adveus et mynus presantement apparus par ledict du Val audict nom pour y avoir recours quand besoing sera. Faict comme dessus par devant monsieur le seneschal, juge ordinaire audict siège le lundy cincquiesme de mars febvrier mill six cents vingt et quatre.
Il y a en interligne febvrier, approuvé.

[signature de :]
Y Euzenou


Eustache de La Chappelle, sieur de Botdaniel, advocat en parlement, et postulant au siège royal de Concq, Foesnant et Rospreden déclaire n'avoir pour le présant aucuns moyens d'impunissement contre le minu et desnombrement des terres et dépandances du manoir de Dioulan fourny cy devant par escuyer Guillaume Caillebotte. Faict par moy, comme faisant en l'absence de monsieur le Procureur du Roy dudict siège.
[signature de :]
Eustache de La Chappelle, advocat
Ce vingt et 5ème de may 1624