Source : FRAD044_B_1224, Aveu de Janne de Kerbic, cahier, parchemin / P1290188.JPG
C'est le minu, adveu, déclaration et desnombrement que damoiselle Janne de Kerbic, dame douairière de Kerguicher et de Coetforn, veuffve de feu escuyer Xpõfle de Kerbleizec, vivant sieur desdicts lieux, en nom et comme tutricze et garde des enfants en elle procréés par ledict feu de Kerbleizec, heritiers sous bénéfice d'inventaire à leurdit père et présanté au Roy nostre souverain seigneur en la Chambre des Comptes de ce pays et duché de Bretaigne, des maisons, terres, herittaiges, rantes et cheffrantes que en sadite qualitté ladite de Kerbic tient prochement et noblement de sa Majesté à debvoir de foy, hommaige, lodes, vantes et rachapt quant le cas y eschet avecques les prééminances d'églises tant en la chapelle de La Trenitté sittuée au bourg du Boutiez que en l'église parrochialle de Melgven. Lesdites maisons, yssues, appartenances et despandances sont sittués en ladite parroissse de Melgven soubs la jurisdiction de Concq, Foennant et Rospreden et lesdits herittaiges escheus et advenus à sesdits enffants par et à cause du décès et succession dudit Xpõfle de Kerbleizec leur père ; quel deceix est advenu puix les sept ans derniers ; desquels rantes, cheffrantes et revenus la déclaration ensuilt :
Et Premier
Ledict lieu et manoir de Coetforn auquel ladite dame de Kerguicher demeure à présant, près et ès yssues du bourg du Boutiez en ladicte parroisse de Melgven, soubs maisons, estables, creiches, four, vergers, jardrins, courtils, ayres, boys de haulte fustaye, avec leurs yssues et frostaiges, contenans environ deux journaulx de terre.
Et pour ce : ...
Un parc et piecze de terre vulgairement appellé Parc an Bosec? contenans ung journeau de terre froide donnant devers soleil levant sur le boys de haulte fustaye dudit manoir ; et devers le midy donne sur le grand chemyn conduisant du bourg de La Trenitté à la Ville de Kempercorentin ; et devers soleil couchant sur une prée appellée vulgairement Prat ar Mellin ; et devers le nort et septentrion sur terres appellées Stang Tanne? apartenant à présant à Me Hierosme Le Staguer.
Et pour ce : ...
ITEM, un pré et fenier fauchable appellé Prat an Mellin ; donnant devers soleil levant sur ledit Parc an Bosec ; et devers le midy sur ung courtil nommé Liorz an Mellin ; et devers soleill couchant sur ung petit boys de haulte fustaye appellé Coat an Mellin appartenant à ladite de Kerbic en ladite qualitté ; et devers le nort sur une prée appartenante audit Staguer. Ladite prée portant par communes années environ dix charrettes de foing.
Et pour ce : ...
[folio 1, verso]
Plus deulx autres parcs et pieczes de terre s'entre joignants l'ung l'autre fors séparations de hayes et fossés, l'ung nommés et appellés vulgairement Parcou an Allée, contenants environ deux journeaulx de terre froide, donnants devers soleil levant sur les boys appellés Coat an Mellin et devers le midy sur la rabine et chemyn conduisant dudit bourg [du Boutiez] à Kemper-tin et devers soleil couchant sur terres despandant du villaige de L'Isle et devers le nort sur ung parc nommé Parc an Beux appartenant à ladite Kerbic en ladite qualitté.
Et pour ce : ...
Plus, aultre parc appellé vulgairement Parc Lan contenant environ deux journeaulx de terre froide donnant devers soleil levant sur une prée appellée Prat an Vergier et devers le midy sur ung parc appellé Parc an Picquart appartenant à ladite de Kerbic et devers soleil couchant sur terres appartennant à [ ...blanc... ] Loup du villaige de Keralleel et devers le nort sur la rabine et chemin conduisant dudit bourg du Boutiez à la Ville de Kempercorentin.
Et pour ce : ...
ITEM, ung aultre préé et fenyer fauchable vulgairement appellé Prat an Vergier avecq ung petit boys de haulte fustaye joignant ledit préé et ledit préé portant par communes années environ huict charrettes de foing ; donnant devers soleil levant sur le vergier de ladite maison et devers le midy sur lesdits prés et boys donnent sur le chemyn conduisant dudict Manoir au bourg de Melgven et devers soleil couchant sur ledict Parc an Picquart et devers le nort sur le chemyn conduisant dudit Manoir à Kemper-tin.
Et pour ce : ...
Plus six parcs s'entre joignants l'ung l'aultre, fors séparations par hayes et fossés, l'ung appellé Parc bihan,, aultre appellé Parc Stang Fauue?, autre appellé Parc an Hasquannee, autre Parc an Tyrien? creix, aultre appellé Parc an Besquellou et l'aultre appellé Parc an Yt contenans ensemble l'ung portant l'aultre environ neuff journeaulx de terre chaude. Donnans du costé devers soleil levant, scavoir les Parc an Besquellou sur le chemin conduisant du bourg de Rospreden à Pontaven, et devers le midy sur les Parc an Yt et Parc an Besquellou sur l'ayre et terre du Manoir du Moen audit bourg [ ? ] et devers soleil couchant sur le boys de haulte fustaye dudit manoir et les quatre aultres parcs donnent devers soleil levant sur terres du villaige de Kernevez et devers le midy sur le boys de ladit maison et devers [folio 2, recto] soleil couchant sur le chemyn mesnant de Kerandescant? et terres audict Staguer et devers le nort donnent tous sur terres audict Staguer.
Et pour ce : ...
Le Moulin dudit manoir avec son biéé, chaussée et son courtil estant à présant en ferme avecq Jan Le Guilly pour en païer par an à chacun terme de Sainct Michel, neuff Livres tournois.
Et pour ce : ...
Le lieu de La Villeneuffve sittué en ladite parroisse de Melgven à présent tenu et proffilté à domaine congéable souls ladicte dame par Hierosme Corray et Xpõfle David pour en païer par an ung mynot de fromant, cincq mynots d'avoyne, quatre Livres dix souls thurnois par argent et six chappons.
Et pour ce : ...
Item, le lieu et mannoir du Moen sittué au bourg du Boutiez à présant tenu et proufilté par Jan Fleury et ses consorts à tiltre de pure et simple ferme soubs ladicte dame et audict nom, pour en païer par an à chaincun terme de Sainct Michel la somme de six Livres thournois.
Et pour ce : ...
Item, une maison avecque son courtil en despandant appellé Ty an Goff, estans sittués devers la Chappelle de La Trenitté à présant tenu pareillement à tiltre de simple ferme soubs ladicte dame par Pierre Le Mouen pour en païer par an à chaincun jour et terme de [ ... blanc ... ] la somme de quarante souls thournois.
Et pour ce : ...
Item, aultre maison avecq son courtil en despandant, sittué pareillement audict bourg du Boutiez prédicte parroisse de Melgven, à présent tenu à tiltre de simple ferme soubs ladicte dame par François [Françoise ?] Cuituillic pour en païer de ferme par an, vingt souls tournois.
Et pour ce : ...
Plus une cave appellée En Caou Moen avec son courtil [folio 2, verso] sittuée pareillement audict bourg du Boutiez, entre ledit mannoyr de Coetforn et la chapelle de La Trenitté arrantée la somme de trante souls thournois par an à chaincun jour de pardon de La Trenitté.
Et pour ce : ...
Et d'aultant que par l'arrest des hommaiges par ladicte de Kerbic faicts à sa Majesté en la Chambre des Comptes de ce Pays et duché de Bretaigne dabté du quinziesme jour de juing mil six cents dix sept, signé Odion, et scellé, [? voir FRAD044 B 192 et B 193 ?] ladicte de Kerbic auroict emploïé et rapporté la seigneurie de Coetaven avecq ses yssues, appartenances et despandances sittués en ladite parroisse de Melgven, laquelle du depuis auroict esté racquictée par les héritiers de la deffuncte dame de Quenepilly comme consté par l'acte dudict racquict à ceste attachée [note mfl : mais on ne l'a pas...]. Et au moyen supplie estre excusée d'en fournir adveu ce touchant attandu que la dame du Cruguill, hérittiere de ladite dame de Quenepilly a fourny adveu de sadicte seigneurie de Coetaven.
Devant nous, nottaires royaulx jurés et receus en la Court et Siège roïal de Concq, Foennant et Rospreden est comparu en sa personne ladicte de Kerbic ès qualitté que cy devant rapportés, demeurante en sondit manoir de Coetforn en ladite parroisse de Melgven. Laquelle a congneu et par cestes congnoict et confesse tenir les terres, herittaiges et tout ce que dessus describés et ambonnés soubs le Roy nostre souverain seigneur, sittués en ladite parroisse de Melgven soubs ladite Jurisdiction de Concq, Foennant et Rospreden, aux charges et debvoirs cy devant déclairés. Et iceulx, escheus et advenus aux enffans myneurs de ladite dame de Kerguicher en ladite qualitté d'herittiers soubs bénéficze d'inventaire à leurdict feu père. Le deceix advenu puix les sept ans derains ou environ. Et à cause desquels ladicte dame de Kerguicher en sadicte qualitté congnoict et confesse estre debus de cheffrante par chaincun an à chaincun jour et terme de janvier, SCAVOIR : dessus ledict manoir, métairie et moullin de Coetforn, vingt souls monnoie, et dessus lesdicts aultres herittaiges sittués audict bourg du Bouetiez la somme de quarante sept souls six deniers monnoye, audict seigneur roy ou à ses recepveurs, réservant ladicte de Kerbic audict nom en cas d'obmission d'adjouxter et ou dyminuer au présant adveu et mynu lors qu'elle aura plus ample congnoissance. Et tout de que dessus certiffie et affirme [folio 3, recto] ladicte dame de Kerguicher par son serment estre vray et contenir verité, promettant et s'obligeant ainsin les tenir soubs le Roy nostre sire et contynuer à l'advenir le païement de ladicte cheffrante soubs obligation, gaiges et hypothècques de tous et chaincuns ses biens meubles et immeubles présans et advenir et par son serment et pour présanter le présent mynu et adveu à sa Magesté et nosseigneurs de sa Chambre des comptes séant à Nantes, et ailleurs ou recquis sera, et en son nom, supplier et requerir la réception d'icelluy et relever actes de la présentation d'icelluy, et faire tout ce qui sera recquis et nécessaire ce touchant pour ladicte de Kerbic, comme sy présante en personne elle seroict, a nommé et institué, et par la présante, nomme et institue à [pour être] ses procureurs generaulx et spéciaulx Mes [ ... blanc ... ] et checun o tout pouvoir recquis et pertinant, promectante et s'obligeante avoir pour agréable, ferme et stable tout ce qu'ils auront faict et procuré ce touchant, les juges ou juges de Court païer et a droict ester sy mestier est et n'en venir jamais encontre soubs pareilles obligations, liaisons et le sermant? que devant. A quoy faire et tenir, fournir et accomplir nous la y avons de son consantement et à sa prière et recqueste par le jugement et authorité de nostre dicte Court, condempnée et la y condempnons, thesmoing de ce le scel d'icelle à cestes mis et apposé. Ce fust faict et le gréé prins en la Ville de Concq au tablier de Nicolas Prouhet, nottaire soubsignant, soubs le seigne de ladicte de Kerbic le saeziesme jour de juign mil six cents vingt et troys apprès midy dudict jour.
Et d'aultant qu'il seroict venu à noticze et congnoissancze à ladicte de Kerbic qu'elle auroict obmis à déclairer et spéciffier ses préminanczes, armoiryes, thumbes et escabeaulx, tant ausdictes esglise et chappelle de La Trenitté que à Melgven, elle déclaire avoir en la maistresse vittre de ladicte chappelle de La Trenitté deux escussons armoyés des armes dudict manoir de Coetforn qui sont troys soleil d'or en camp d'asur ayants une facze d'argent parsemée de quatre armynnes [hermines] ; lesquels escussons sont aux deux soufflets donnants sur la représentation de [ ... blanc ... ] Et aultre vittre de ladicte chappelle scavoir une? du costé de l'espitre du maistre aultel, en laquelle vittre n'y a aultre armoyries que des armes de Coetforn et ses allianczes portées en [ ... blanc ... ] escussons. Plus au devant du crusifix et au devant l'aultel de l'ymage saint Derbot [Saint Herbot ?] elle déclaire aussy avoir ung escabeau amoyé desdictes armes de Coatforn et une [folio 3, verso] thumbe rellevée de terre de l'espaisseur d'une pierre de thumbe armoyée de pareilles armes. Plus une vittre estante aussy du costé gauche dudict aultel où il n'y a pareillement aultres armes que celles de sa maison du Cozquer qui ne rellève [~ aucunement ?] de sa Majesté, quels armes est ung greslier [ ... blanc ... ] qui sont aussy engravés ? en bosse audict aultel. Et en lesglise parrochiale de Melgven déclaire pareillement sesdictes préminanczes consister en unne thumbe enlevée armoyée desdictes armoiries du Cozquer, sittuée entre la thumbe de Coataven et la thumbe de Kerannevel du costé de l'epistre avec son escabeau estant au devant l'aultel de l'ymaige Sainct Nycodème. Affirmante pareillement ladicte de Kerbic et audict nom ce que dessus véritable par son serment et soubs son seigne. Faict comme dessus lesdicts jour, moys et an que devant.
[signatures de :]
Janne K/bic [Jeanne Kerbic]
J. Guillimin ? [notaire royal ?]
N. Prouhet [Nicolas Prouhet], notaire royal
Ce jour, en l'audiance ordinaire et puplicque de la Court et siège roïal de Concq, Foennant et Rospreden est comparu Me Pierre du Val, procureur d'escuyer Guillaume Caillebotte et damoiselle Janne de Kerbic sa compaigne, sieur et dame de Kerléanno, Couetaven, Couetforn, etc. neaulmoins [néanmoins] ledict sieur de Kerleanno présant en personne, recquerant, lequel parlant par Maistre [ ... blanc ... ] advocat, a esté lecture faicte à haulte voix d'ung arrest de nosseigneurs de la Chambre des Comptes à Nantes du trantiesme jour de juign mil six cents vingt et troys, signé Le Brethon et scellé, obtenu par ladicte de Kerbic, veuffve de defunct? escuier Xpõfle de Kerbleizec, sieur de Kerguicher, Couetforn etc. en son nom et comme tutricze et garde de ses enffans en elle procréés par ledict deffunct sieur de Kerguicher son premier mary et ses herittiers par bennefige [bénéfice] d'inventaire, portant renvoy [folio 4 recto] en ce siège de l'adveu et mynu des terres de Couetforn et Couetaven appartenantes et despandances, sittuées en la parroisse de Melgven dabté du saesiesme jour de juign audict an mil six cents vingt et troys signé Prouhet et Guillimyn nottaires roïaulx et de ladicte de Kerbic, et scellé, estre leu et publyé suivant les ordonnances. Après la lecture dudict arrest et sur ce, ouy le le requérant aussy Me Guillaume Caillebotte ? substitud de Monsieur le procureur du Roy, a esté acte décerné a valloir et servir comme de raison de ladicte lecture et ordonné que arrest sera registré au greffe de ce siège et ou demeurera copye de l'adveu et mynu en l'endroict apparu par ledict du Val oudict nom, y avoir recours quand besouign sera. FAICT comme dessus présent monsieur le Sénéchal, juge ordinaire audict siège, le ... de mars febvrier mil six cents vingt et quatre.
Il y a en interligne : [ illisible (pli) ]
[signature de :]
[Y] Euzenou, ... reçu ...
Eustache de La Chappelle, sieur de Botdaniel et advocat ...
au siège royal de Concq, Foesnant et Rosporden (sic) déclare ...
de Mr le procureur du Roy dudict siège, n'avoir aucuns moyens ...
seure? contre le présant adveu des terres de Couetforn ...
Faict ce vingt et cinquiesme de may mil six cents [vingt-quatre ?] ...
[Note : le document est déchiré à droite]
[signature de :]
Lachappelle, advocat
En marge du folio 1 :
Par arrest du xxviième juin mil vi cts xxiiii, le présent adveu a esté receu et adjousté à l'inventaire de ladite jurisdiction .?. à prouver le droit de préminance et intersignes par ladite de Kerbic dans ladite esglise ...
( bribes )
fait a esté par actes tiltres vallables de quoi lui est ordonné fournir? dans six moys faulte de quoy faire sera ...
en est déclarée deschue de ...
de la prétandue cy
après ...
Merci à André Le Torc'h pour les photos des documents !
|
