E:15890907
|
|
Calendrier : Grégorien |
|
1001
1101
1201
1301
1401
1501
1601
1701
1801
1901
2001
2101 |
Jeudi 07 septembre 1589
- Journal de Jérôme d'Arradon, (à Hennebont) [i]
"Le jeudi vii dudit mois, je receu une lettre du sieur du Garo qu'il mescrivoit de Vannes, là où il me mandoit plusieurs bonnes nouvelles, comme le bon Dieu favorisoit le parti des bons Catholiques auxquels il bailloit tousjours l'advantage sur le Roy de Navarre & les autres hérétiques.
Le mesme jour, les habitans de Blavet signèrent qu'ils vouloient vivre & mourir soubs un Roy Catholique, Apostolique & Roumain [sic], soubs le gouvernement de Monseigneur le Duc de Mercoeur, gouverneur & lieutenant général en Bretagne & à moy vouloient obéir comme Capitaine de Hennebont, Blavet & de toute la Coste.
Le mesme jour, j'escrivis à mon frère d'Aradon qui estoit devant le Chasteau d'Auray que ceux du Blavet avoient signé ; & envoyé le Sequirio porter ma lettre.
Le mesme jour, j'escrivis au sieur de Lezonnet [à Concarneau], pour le sieur de Kerlagatu, afin qu'il n'eust esté molesté de ses soldats ; & le priai de m'envoyer une caque de pouldre."
