Source : FRAD044 B 1223, cahier de parchemins
[folio 1, recto]
C'est la thenue par escript, mynu et
déclaration que noble & puissant Charles de Guer, seigneur de la Porteneuffve, Kervischart
& autres [lieux] fournist et présante à Messieurs les Présidants et gens des comptes du Roy
nostre Sire, des maisons nobles, terres, rentes et héritaiges, fiefs et seigneuries qu'il tient
prochement et noblement à ligence, foy & debvoir de rachapt quand le cas eschoict, soubs les
Courts de Concq, Fouenant et Rospreden et ès parroisses cy amprès déclairées ; luy eschus
et advenus par le deceix & succession de deffunct noble & puissant Yves de Guer son père
en son vivant seigneur desdits lieux.
[en marge :]
Présanté par ledit sieur de la Porteneufve
le xxviième juing 1602 et renvoyé suivant
les ordonnances aux juges des lieux.
Et Premier
En la parroesse de Lanriec
en la Jurisdiction de Concq
Le mannoir de Kervichart o ses yssues, largesses & appartenances,
courtils, pourpris, jardrins, vergiers, parcs, fenyers, clostures, boys
de haulte fustaye, taillys, rabines, colombiers, moulins, estangs,
contenants lesdits mannoir et sesdites appartenances envyron vignt & quatre
journeaux de terre. Ferants devers le nort aux terres que tient Marc
LE RIPVIER dudit seigneur, devers soleil couchant sur le chemin quy
mesne de l'esglise parroichialle de Lanryec à Pontmynaouet et devers
soleil levant aux terres que tient Madaleine LOSSOUARN soubs ledit
seigneur, et devers midy sur terres au sieur de Pennarun. Lesquels
ne sont à présant arrantés par ce que ledit seigneur les tient. Valant
de commune estimation de levée, environ ... xviii # [ 18 Livres ]
A la charge de dix souls de cheffrante païable à chacun premier jour de janvier
au recepveur de Concq sur partie desdictes yssues et frostaiges dudict mannoir : x sols.
[folio 1, verso]
ITEM, la mecterye [métairie] de Kervischart o ses maisons, creiches, aires et
jardrins, yssues et appartenances que tiennent et où demeurent à tiltre de
taille et convenant congéable soubs ledict sieur, Marc LE RIPVIER et
Magdeleine LOSSOUARN, veuve [de] feu Auffret CAZRON, contenant en tout environ
quarante journeaux de terre ; ferants d'un endroict sur les yssues et
appartenances dudict mannoyr de Kervichart, d'aultre endroict à terre que
tient Jan LE RIPVIER soubs ledict seigneur et sur aultre costé sur terres des
appartenances de Penharz profiltées par Marc LOSSOUARN et d'aultre
costé sur terres des appartenances du vilaige de Kernevez profiltées par
Henry SALAMON ; pour en debvoir païer lesdicts desnommés, par chacun an à
chacun jour et feste de Monsieur Sainct Michel Montegarganne, soixante
souls monnoye, dix minots rases fourmant, houict minots rases seigle,
douze mynots avoyne. Et pour ce : ...
ITEM, le moulin dudict mannoir de Kervischart appellé Le Moulin Coetmen,
valant par chacun an la somme de vignt Livres monnoye. Et pour ce : ...
ITEM, la thenue d'heritaige que tiennent et où demeurent Henry SALAMON et
Yvon HEMON au vilaige de Kernevez, contenant ladicte thenue environ vignt
& sept journeaux de terre ; ferants d'un endroict sur les terres que tient
Charles LE PICOLEC au vilaige de Penquaer, et d'aultre endroict sur les
terres des appartenances du vilaige de Kerstrat et sur le chemyn quy
mesne de Cheffdeboys [Penhoat] au Chasteau de Concq ; pour en debvoir païer lesdicts
debtenteurs, de taille et convenant par chacun dict an et terme, la somme de
quatre Livres monnoye, cincq minots rases fourmant, cincq minots avoine
et quatre chappons. Et pour ce : ...
ITEM, la thenue d'heritaige que tient et où demeure audict tiltre de taille
[folio 2, recto]
et convenant, Francoys COSTIOU au vilaige de Kerdevot, contenant de
terre environ seize journeaux ; joignant ledict vilaige et ses appartenances
sur le chemyn quy mesne de Concq au vilaige du Treff et d'aultre endroict
sur terres que tient Jan LE BRIGANT dudict seigneur de Kervischart et d'aultre
costé sur ungn bois appellé Coetmen ; pour en debvoir païer ledict Costiou
par chacun dict an et terme soixante souls monnoye, deux mynots avoyne, et deux
chappons. Et pour ce : ...
ITEM, la tenue, ses yssues et appartenances que tiennent et où demeurent
Paul CALVEZ, Nycholas BLEINHOUANT, Alein LE PELETER, au vilaige du Treff
pour en debvoir païer de taille et convenant par chacun dict an et terme le
nombre de trois mynots fourmant, deux mynots avoyne et deux chappons.
Et pour ce : ...
ITEM, la tenue o ses yssues et appartenances que tient et où demeure audict
tiltre de convenant, Marc LOSSOUARN au vilaige de Penharz contenant en
tout environ vignt journeaux de terre ; ferant d'ugn endroict sur terres
des appartenances du mannoir de Kervischart et d'aultre à terre au sieur
de Cheffdeboys proffiltées par ledict Lossouarn et d'ungn aultre endroict
sur terres des appartenances du vilaige de Keranseignour ; pour en debvoir
païer de taille par chacun dict an et terme, cent souls monnoye, deulx minots
fourmant, ungn minot seigle, deux minots avoine et ungn chappon. Et pour ce : ...
ITEM, la tenue, ses yssues et appartenances que tiennent et profiltent soubs
ledict seigneur et o non devis Alein KERMEDIOUANT audict tiltre de taille et
convenant Alain L'HERIEC~ et Marc LE RIPVIER au vilaige de Kerbeniou
[folio 2, verso]
pour luy en debvoir païer par chacun dict an et terme, la somme de
quarante souls monnoye. Et pour ce : ...
ITEM, la tenue que tient et où demeure audict tiltre Jaouhen LE
MINGAM au vilaige de Keranbelec [Kermingham ?] , contenant ladicte tenue et ses appartenances
environ houict journeaux de terre ; ferants de deux endroicts sur terres
audict seigneur de Kervischart proffiltées par Jan LE TOURCH et Mathieu LE BRETON
et d'aultre costé sur la Ryve de la Mer ; pour en debvoir païer
par chacun dict an et terme quinze souls monnoye. Et pour ce : ...
ITEM, aultre tenue audict vilaige de Keranbelec [Kerambreton ?] que tient et profilte
soubs ledict seigneur audict tiltre Jan LE TOURCH ; contenant ladicte tenue
environ sept journeaux de terre ; ferant lesdictes terres de trois endroicts
sur terres audict seigneur, profiltées par Jaouhen LE MYNGAM, Mathieu LE
BRETHON, et Jacques LE SAULX, et d'aultre costé sur la Rive de la
Mer ; pour en debvoir païer par chacun dict an et terme de taille,
la somme de trante souls monnoie, ungn minot fourmant, deulx
minots avoyne et deux chappons. Et pour ce : ...
ITEM, aultre tenue audict villaige [de Keranbelec], tenu et profiltée par Jacques LE SAUX ;
[Kersaux ?] contenant environ unze journeaux de terre ; ferant d'ungn costé sur la
Rive de la Mer, d'aultre sur le chemin quy mesne du Bourg de Lanryec
au vilaige du Caballou, et de trois aultres endroicts sur terre audict
seigneur de Kervichart profiltées par les debtenteurs derniers déclairés ;
pour en debvoir païer par chacun an et terme de taille, trois minots
fourmant. Et pour ce : ...
ITEM, la thenue d'herittaige que tiennent et profiltent audict
[folio 3, recto]
tiltre de taille et convenant Louys LE BARZ et Guillaume MABIL et
leurs consorts au vilaige de Kermeur [Kerambars ?] . Ladicte tenue o non devys [en indivis avec]
o Hault et Puissant Renné de Quelen, sieur du Vieuxchastel, pour en
debvoir païer lesdicts debtenteurs audict seigneur par chacun dict an et
terme de taille vignt & cincq souls, quatre minots fourmant, deulx
minots avoine & deulx chappons. Et pour ce : ...
La parroisse de Tregeunc
La tenue d'herittaige o ses yssues et appartenances que tiennent et
profiltent et où demeurent audict tiltre de taille, Jan OLLIVIER, Alein LE
MESNER et leurs consorts au villaige de Treymault~, contenant ladicte thenue
environ dix journaux de terre ; ferants d'ungn costé sur terres au sieur
de Kervren, profiltées par Chorentin MAT & d'aultre endroict sur terres au
sieur du Boys, profiltées par Alein LE GOFF, et d'aultres endroicts sur les
yssues dudict vilaige, pour en debvoir païer lesdicts desnommés audict
seigneur, de taille par chacun dict an et terme, quatre mynots fourmant.
Et pour ce : ...
ITEM, unne tenue que tient et profilte soubs ledict seigneur, Pierre de
PENNANRUN, sieur dudit lieu ; ladicte tenue appellée Kerperennès, sittuée près le
mannoir de Pennanrun, pour en debvoir païer de taille ferme par chacun dict
an audict seigneur, vignt & cincq souls monnoye. Et pour ce : ...
ITEM, la tenue que tient et profilte Augustin FURIC au villaige et ses
appartenances de Kergouarch [Kerouarch ?] pour en debvoir païer par chacun dict an et terme, la
somme de trante souls monnoye. ET pour ce : ...
[folio 3, verso]
ITEM, la thenue que tiennent et où demeurent audict tiltre de convenant
Xpõfle [Christophe] LAURENS, Jacques GUILLOU et leurs consorts au villaige de Kerdalez
pour en debvoir [païer] par chacun dict an & terme deulx mynots fourmant et
deulx minots seigle. Et pour ce : ...
ITEM, la thenue d'heritaige que tiennent et où demeurent audict tiltre de
taille Jan LE GALLOU, Marc et Guillaume SCAZRE au vilaige du Guerric~
contenant ladicte tenue environ douze journeaux de terre ; ferants d'un endroict
sur le chemyn quy mesne dudict vilaige au Bourg de Trégeunc et d'aultres
endroicts sur terre des appartenances du mannoir de Kergunu et d'aultre
endroict sur terre des appartenances du vilaige de Kerhalon ; pour en debvoir
payer lesdicts desnommés par chacun dict an et terme trante souls monnoye,
deulx minots advoine et deulx chappons. Et pour ce : ...
ITEM, la thenue, ses yssues et appartenances que tient et profilte Pasque [Pascal]
LE NYGER au villaige du Cleuz contenant ladicte tenue environ dix
journeaux de terre, joignant d'ungn endroict sur le chemin quy mesne
dudict vilaige au bourg de Pontaven et d'aultre endroict sur terres au
sieur de Kerguern et au sieur de Tréanna pour en debvoir païer de taille
par chacun dit an et terme trois minots froment, deulx chappons et
pour ce : ...
ITEM, les terres que tient et profilte audict tiltre Jan LE BRETON ès mectes de Kerjegu soubs ledict
seigneur pour luy en debvoir païer par chacun dict an et terme ... ? i minot fourmant, i minot seigle ?
La parroisse de
Beuzec Concq
La seigneurye de ligence que ledict seigneur de Kervichart a
sur les terres de Mahé LE GUIFFANT et ses consorts au villaige de Langoet [Langoat]
[folio 4, recto]
et estre debu de cheffrante par chacun an à chacun dict terme de la
Sainct Michel, la somme de quarante souls monnoye. Et pour ce : ...
ITEM, la tenue que tient & où demeure audict tiltre de taille et convenant
Janne GOUZIEN, veuve [de] feu Auffret MICHEL, de Kergouz pour en debvoir païer
de taille par chacun dict an et terme deulx minots fourmant. Et pour ce ...
ITEM, la tenue et ses appartenances que tiennent, profiltent et où demeurent
audict tiltre de taille soubs ledict seigneur, Yvon & Ambroise AULTRET, Pasque
TALOURANT et leurs consorts au vilaige du Briec pour en païer de taille
par chacun dict an et terme, vignt et sept souls monnoye et deulx chappons.
Et pour ce : ...
La parroisse de Melgven
La seigneurye de ligence et la somme de saeze souls & houict
deniers monnoye de cheffrante que ledict seigneur a sur les terres et
heritaiges [de] Allein KERMEZOENT au villaige de Kermezerou, à estre païée ladicte
cheffrante à chacun dit terme de la Sainct Michel. Et pour ce : ...
ITEM, la tenue, ses yssues et appartenances que tient et où demeure
audit tiltre de taille, Jacques ROUZAULT au vilaige de Penfenten [Penfeunteun] pour en debvoir
païer audit seigneur par chacun dit an et terme, la somme de saeze souls
monnoye, ungn minot d'avoine et deulx chappons. Et pour ce ...
ITEM, la seigneurie de ligene et la somme de sept souls et six
[folio 4, verso]
deniers monnoye de cheffrante sur les terres [de] Henry PORHIEL, Yvon MARY,
Jan PERAULT & leurs consorts. Scavoir sur ungn parc appellé Parc
an Rodoez, payable ladicte cheffrante audit terme de la Sainct Michel.
Et pour ce : ...
ITEM, la seigneurie de ligence que ledict seigneur a sur les terres
et herittaiges aux enffens [enfants de] feu Pierre HERVÉ ès appartenances du
vilaige de Kerelean et luy estre debu de cheffrante par chacun dict terme
dix souls. Et pour ce : ...
ITEM, la seigneurie de ligence que ledict seigneur a sur ungn parc
appellé Parc Kermazin appartenant à Jan PHELIPPES ès mectes du bourg
de Locmaria an Hent et luy en estre debu de cheffrante par chacun dit
an trante souls monnoye. Et pour ce : ...
ITEM, la tenue que tiennent et où demeurent audit tiltre de taille et
convenant Louys LE BRUNOU et Henry LAZ au vilaige de Kerisperit pour en
debvoir païer audict seigneur par chacun dit an et terme, quarante et houict
souls monnoye, deux minots avoine et deulx chappons. Et pour ce : ...
La Parroisse
d'Elyant en la Jurisdiction de Rospreden, ladicte Jurisdiction
naguères acquise du Roy nostre Sire par le sieur
de Carnné
[folio 5, recto]
Le mannoir de Keranbran [Kervran], ses yssues, largesses et
appartenances que tiennent et où demeurent audict tiltre de convenant congéable
soubs ledict seigneur Guezennec GOURMELEN, Vincent LE ROUX et leurs consorts
contenant environ trante journeaux de terre ; ferant d'un endroict sur
terres des appartenances des vilaiges de Kerosperz [Kerospars], Kernaléguen et Keranchaloch,
pour en debvoir païer lesdict détenteurs par chacun an et terme sept
Livres monnoye, six minots avoine et six chappons. Et pour ce : ...
O [avec] la charge de quinze souls de cheffrante debus au Roy nostre Sire sur
ledict mannoir & appartenances de Keranbran [Kervran] à chacun terme de la
Chandeleur.
ITEM, la thenue que tiennent et où demeurent audict tiltre de taille et
convenant congéable Jehan GOURMELEN et ses consorts au vilaige de
Keranchaloch [Kerancalloc'h] ; contenant ladicte tenue environ vignt cincq journeaux de terre ;
ferant d'ugn costé sur le ripvière de Zet [Jet] et d'aultre endroict sur
terres des appartenances du vilaige de Kertancou [Kerdanet], et d'aultre costé sur
terres des appartenances de Keranbrïant [Kervriant], pour en debvoir
payer de taille à chacun dict an et terme, la somme de cincquante souls
monnoye et deulx chappons. Et pour ce : ...
ITEM, les terres et heritaiges que tiennent et profiltent audict tiltre de
convenant soubs ledict seigneur Alein LE BRETHON, Yvon GUERCAROFF,
et leurs consorts au vilaige de Keranbriant [Kervriant], contenants environ
vignt cincq journeaux de terre ; ferant d'ugn costé sur terres des
[folio 5, verso]
appartenances de Keranchaloch et deulx aultres endroits sur terres des
appartenances des vilaiges de Kerrosperts et Keranbran et sur la rivière
de Zet ; pour en debvoir païer par chacun dit an et terme, de taille la
somme de treize Livres monnoye. Et pour ce ... xiii # monnoye
ITEM, la tenue que tient et où demeure audict tiltre de convenant,
Yvon, Jehan et Raoul LE TROEDEC au vilaige de Kerdancou [Kerdanet] pour en debvoir
payer par chacun dit an et terme, de taille onze souls monnoye. Et pour ce : xi s. monnoye
ITEM, la seigneurye de ligence que ledict seigneur a sur les terres et
herittaiges desdicts Jan, Yvon & Raoul LE TROEDEC audict vilaige de Kerdancou [Kerdanet]
pour luy estre debu de cheffrante à chacun dict an et terme six souls
monnoye. Et pour ce : vi souls monnoye
ITEM, la tenue que tient & où demeure audict tiltre de convenant
Henry GOURMELEN audict vilaige de Kerdancou [Kerdanet] pour en debvoir païer par
chacun dict an et terme trante souls monnoye par argent. Et pour ce : xxx souls monnoye
ITEM, est debu audict seigneur sur certaines terres que tient Henry
QUÉMÉRÉ au vilaige de Kerrun, quatre souls. Et pour ce : iiii souls
ITEM, la thenue que tient, profilte et où demeure audict tiltre de taille
et convenant, Yvon LE GAL [LE GALL] au vilaige de Kerrospers, contenant ladicte
thenue environ vignt et houict journeaux de terre ; ferant d'ugn endroict
sur la Ripvière de Zet et d'autres endroict sur terres des appartenances
de Keranbriant, Kerancaloch et Kernaleguen ; pour en debvoir païer
par chacun dict an et terme quatre souls monnoye, trois minots
[folio 6, recto]
fourmant, trois minots seigle, et deulx mynots avoine. Et pour ce : ...
ITEM, est debu audict seigneur de rente ou cheffrante sur ungn parc
nommé Parc Morvan Querneau que tient et profilte Hervé LE GUIFFANT et
Michel SALAUN au vilaige de PenanKenech [Penquer Langoat en Beuzec ?] par chacun an et terme cincq
souls monnoye. Et pour ce : ...
ITEM, le mannoyr de KenechGuegen [Quénéach Guéguen] o ses yssues, moulins, largesses et
appartenances que tiennent et où demeurent audict tiltre de taille et convenant
congéable soubs ledict seigneur, Guillaume LE GUIFFANT, Vincent COZ, et Morice
LE GOFF et leurs consorts, pour en debvoir païer par chacun dict an et terme
quatre Livres monnoye, deulx minots advoyne, et deux chappons. Et pour ce : ...
ITEM, le mannoir de La Vileneufve [Kernévez-Lorvillon] que tiennent et où demeurent audict
tiltre de taille, ferme et convenant congéable, Guezennec LE GUIFFANT
pour en debvoir païer par chacun dict an et terme de taille, soixante et
quinze souls monnoye par argent, deulx minots avoyne et deulx chappons.
Et pour ce : ...
ITEM, la seigneurye de ligence que ledict seigneur a sur unne piecze
de terre et montaigne froste nommée La Montaigne de Kertanguy
et Pensorn [Stang Askell], sittué près et ès mettes du mannoir de la Ville
Neuffve, sauff [il n'y a que ?] unne quatre partye de ladicte Montaigne qu'est
le demaine dudict sieur, à cause dudict mannoir de la Ville
Neuffve [Kernévez-Lorvillon].
Voir les Baillées nouvelles de 1540
[folio 6, verso]
ITEM, la thenue que tient, profilte et où demeure audict tiltre
de convenant soubs ledict seigneur Jan LE MOUEL, au vilaige, ses
appartenances du Men Briz [Kerancalloc'h Vihan ?] pour en debvoir païer par chacun dict
an et terme de Sainct Michel cincquante souls, deulx minots
advoyne et deux chappons. Et pour ce : ...
ITEM, les herittiers [de] feu Hervé CRAN, pour les terres qu'ils tiennent
au vilaige du Run Yselaf [Run Izella] six souls et houict deniers monnoye.
Et pour ce : ...
ITEM, dessus la maison [de] feu Jacques ROLLAND, et feu Guillaume BIGOLEN,
Philibert et Yvon TORCHEN au bourg de Rospreden, de cens ou rente
par chacun dict an et terme, dix souls monnoye. Et pour ce : ...
ITEM, les moulins o leur destroict dudict seigneur appellés les
Moulins de Jet en ladicte parroisse d'Elyant valans de rente par
chacun an vignt Livres monnoye. Et pour ce : ...
[Moulin du Jet Simonou, sous Kerancalloc'h, vers Saint-Yvi]
ITEM, la seigneurie de ligence o le
debvoir de rachapt que ledict seigneur a, sur les terres et herittaiges
cy amprès déclairés, avecq le debvoir de cheffrante qu'il prétand lui
estre debu sur iceulx, payable par chacun an et terme de le Chandelleur [ 2 février ]
en la Ville et Vieulx Marché [Place de la Liberté] et bourg parroissial d'Elyant.
[folio 7, recto]
ET PREMIER
Sur les terres du sieur de Tréanna, que tient de
luy Henry RANNOU, Jan GALLOUCH [Calloch] et Henry LE VIGOUROUX au vilaige de
Laniguet [ Lanniec ] pour en debvoir païer de cheffrante à chacun dict terme de
la Chandelleur, vignt et cincq souls, sept quarterons de seigle. Et pour ce ...
ITEM, dessus les terres et herittaiges dudict Henry Rannou, Jan Calloch et
Henry Le Vigouroux, audict vilaige de Laniguet, à chacun dict terme trois
souls, quatre deniers, ungn quarteron [de] seigle. Et pour ce : ...
ITEM, dessus les terres et herittaiges [de] Mahé LE TRESCHER, Louys LE LOZREC
et leurs consorts au vilaige, ses yssues et apartenances du Kenech [Créac'h (en saint-Yvi) ?], scavoir
sur tout le vilaige de Kenech, six souls. Pour ce : ...
ITEM, dessus la terre Amezre GAUVAIGN au vilaige du Run [ou plutôt Kerrun ?] par Henry
QUÉMÉRÉ, quatre quarterons fourmant. Et pour ce : ...
ITEM, dessus les terres dudict GAUVAIGN & Amezre à Kergouguer ?
deulx quarterons froment. ET pour ce :
ITEM, dessus la terre aux consorts GUIZIEN par Yvon LAZ au vilaige
de Kerannoël~ ungn quarteron froment. Et pour ce : ...
ITEM, dessus la terre [de] Danyel SOUBIS à présant Françoys GUILLOU et
Yvon GUERCAROF à Kerguennou [Kerguinou], trois quarterons froment. Et pour ce : ...
ITEM, dessus la terre [de] Yvon et Hervé GUILLOU à Kerdancou [Kerdanet], Kerrun~
[folio 7, verso]
ungn quarteron froment. Et pour ce : ...
ITEM, dessus la terre au sieur de Coetcanton au vilaige de Kergolet [Kerouélet ?]
par Yvon LE SCOUARNNEC ses hommes, ungn quarteron froment. Cy : ...
ITEM, dessus la terre Quilliouch à Kerospers par Vincent LE GAL et ses
consorts quatre quarterons froment. Et pour ce : ...
ITEM, la seigneurie de ligence que ledict seigneur a sur la terre appellée
l'estaige Quiliouch à Sainct Yvy et sur les terres de Paul LE LAY
et ses consorts au vilaige de Mesanmen [ Mésaven ] en ladicte Treffve de Sainct Yvy.
ITEM, sur les terres [de] Mahé GUENEL et Yvon JEHANNÈS au vilaige de Penfoennec,
ungn quarteron froment. Et pour ce : ...
ITEM, dessus la terre [de] Paul LE LAY au vilaige de Mesonneur [Mesanmen ? Menez Meur ?], deulx
quarterons froment. Et pour ce : ...
ITEM, sur les terres [de]Pezron LE BALCH et Henry LE BERRE & leurs
consorts au vilaige de Coetconstance, deulx quarterons froment.
ITEM, dessus les terres au Cogneneec par la veufve [de] Alain LE
BLEIZ, au vilaige de Ruzmen [Rumen], ungn quarteron fourment. Et pour ce : ...
ITEM, dessus la terre au sieur de Quoetquanton au villaige de Kerannezen~ par Danyel et Richard LE MEUR ses hommes, ungn
quarteron fourmant. Et pour ce : ...
[folio 8, recto]
ITEM, dessus la terre de Kersalaün au bourg de Sainct-Yvy
par Guillaume PRENNEN [Prenenen en 1540 !], deux quarterons froment. Et pour ce : ...
ITEM, dessus la terre [de] Henry GOURMELEN au vilaige de Kerouelet
ungn quarteron fourment. Et pour ce : ...
ITEM, dessus la terre au COEDIC audict vilaige de Keroelet, six deniers.
Et pour ce : ...
ITEM, dessus le mannoir et thenue de Keranbran par Guezenec
GOURMELEN et ses consorts, six quarterons fourment. Et pour ce : ...
ITEM, dessus la terre de Guillaume Salou, sieur de Kerguenou et
Kerlotu, ungn quarteron froment. Et pour ce : ...
ITEM, dessus la terre [de] Jehan GOURMELEN et ses consorts au vilaige
de Kerancaloch, quatre quarterons froment. Et pour ce : ...
ITEM, la seigneurie de ligence que ledict seigneur a sur les
terres [de] Marye LE BULS au vilaige de Penfoennec? [...blanc...]
ITEM les cheffrantes que ensuivent et la
seigneurie de ligence que ledict seigneur a sur les terres cy amprès déclairées,
payables lesdictes cheffrantes, à chacun dernier jour de décembre, rendu à
Concq
SCAVOIR
Sur les terres [de] Yvon AULTRET ès appartenances du vilaige du
[folio 8, verso]
Bryec en la parroisse de Beuzec, quatre souls. Et pour ce : ...
ITEM, sur la terre [de] Hervé LE GUIFFANT au vilaige de Penankenech [Penquer Langoat ?]
sur lataiche [l'attache] de son moulin audict vilaige, deulx souls. Et pour ce : ...
ITEM, sur les terres de [feue] Katherine LE GUIFFANT au vilaige de Langoet [Langoat],
quatre souls, quatre deniers. Et pour ce : ...
ITEM, dessus les terres [de] Charles QUELFEN au vilaige du Stang [Stang Daniel ?], un
denier. Et pour ce : ...
ITEM, dessus les terres [de] Yvon et Claude PRATHELEN, en la parroisse
de Beuzec, ungn denier. Et pour ce : ...
ITEM, dessus la terre [de] Marye PENLAN, à présant au sieur de Keranlouet
au vilaige de Mesaoumeur en la parroisse de Trégeunc, ungn denier.
ITEM, sur les terres [de] Charlot LE BAILL en ladicte parroisse de
Tregeunc, seize deniers. Et pour ce : ...
ET À CAUSE DESQUELS HERITAIGES QUE
dessus, [Charles de Guer] est en possession d'avoir Court et Juridiction sur ses hommes à
foy, et les contraindre à faire la foy et hommaige et fournir pieczes et
mynu des herittaiges qu'ils tiennent soubs luy, par devant ses officiers, procéder?
[folio 9, recto]
par eulx à faire dabtions et curattelles et inventaires des myneurs et ?
de contraindre ses hommes et subjects de faire la cueillette de ses domaynes.
ET PAR CAUSE DESDICTS HERITTAIGES ET
terres rapportés ès houict feuillets prochains cy devant escripts en cest adveu et
mynu, cognoist et confesse ledict [Charles] de Guer, debvoir faire la foy et hommaige audict
sieur Roy nostre Sire, et luy obéir ainsin [ainsi] que la nature du fief le requiert et ce que
dessus estre vray et contenir véritté. Et quand affin de bailler et présanter ce présant
adveu et mynu à Messieurs les gens des Comptes du Roy nostre Sire en la Chambre de sesdicts
Comptes en ce Pays et Duché de Bretaigne, a, ledict seigneur, institué, estably et
ordonné et par ceste le faict Mes [ ... blanc ... ]
et chacun d'eulx ses procureurs o pouvoir exprès de faire et fournir touttes et
chacunes les choses que ledict [Charles] de Guer feroict ou faire pourroict sy présant en personne
il estoict. LEQUEL [Charles] de Guer, présant devant nous par nostre Court de Concq, Foenant
et Rospreden, à laquelle il s'est soubmis et se soubmect soubs l'obligation de ses
biens et par son serment quand ad ce que dessus escript tenir accomplir estre
vray et contenir véritté. Et pour ce que ainsin l'a voullu promis et juré tenir
à l'advenir, à sa requeste par le jugement de nostre dicte Court condempné et le y condempnons.
Donné thesmoign de ce le scel estably et apposé à cestes. CE FUST FAICT ET
le gré prins à Concq au tablier de Me Alan Rousseau, notaire soubscript
le dixiesme jour de novembre l'an mil six cents.
[ Signatures de : ]
Charles de Guer
A[lan] Rousseau, notaire roïal
R[iou] Dumoulin, notaire royal
|
