Source : FRAD044 B 1237 [i] Registre papier, 339 feuillets
Du vingt et deuxiesme jour de juin mil six cens quarante et un.
Audiance de la Refformation des dommaynnes du Roy des jurisdictions de Concq, Fouesnant et Rospreden en l'auditoire du siège royal dudit Concq, tenue par Monsieur Maistre Jan de Sainct Pern, seigneur du Lattay et de Saint Jan &ca, conseiller du Roy, maistre ordinaire en sa Chambre de Comptes de Bretaigne, commissaire par elle dépputé pour ladicte Refformation, [y] assistant escuyer Yves de Quelen, Sieur de la Crecholain, conseiller du Roy et senneschal desdictes jurisdictions.
[ f° 5 recto ]
Noble homme Eustache de La Chappelle, substitud du procureur du Roy nous auroit représanté que les habittants de la Ville et fauxbours de Concq auroint estés renvoyés à ce jour, lieu et heure pour faire desclarations des maisons, courts, et jardins qu'ils pocèdent.
[Il] a requis que esvoccation en soict faicte.
Ce que faict, auroict comparu [une] partyes d'iceux ausquelz nous auryons ordonné ce rendre chacun en leurs maisons où nous ferions dessante l'après disné de ce jour et aultres ensuilvant pour prendre les adveuz, confessions & recognoissances desdicts habitants.
/
Et avons ordonné que nostre dessante esdictes maisons seroit présantement bannyes à son de trompe et cry publicq, et attaïché coppie au livre publicq d'icelle Ville et fauxbours à ce que aucun n'en puisse prétandre cause d'ignorance.
Dudit jour, à l'aprèsdisné, devant nous, à nostre logeix a comparu ledit de La Chappelle, substitud dudit procureur du Roy, lequel nous a représanté que pour satisfaire à nostre ordonnance de ce jour, il nous plust nous transporter en ladite Ville & pour plus commodément parvenyr à l'enrollement des maisons, cours et jardins estants en icelle, recognoistre les rantes debues par les propriétaires, ce que luy avons accordé.
Et ayant [ f° 5 verso ]avecque nous pour adjoinct Jacques LE SAIGE, greffier en ladicte commission, nous nous sommes transportés en présence d'escuyer Yves de Quelen, senneschal desdictes jurisdictions et dudit de La Chappelle à la Porte du Passage, l'un des bouts de ladicte Ville, où ledit substitud nous a recquis voulloir garder l'ordre observé dans l'ancienne Refformation.
Ce que nous avons faict, ainsin que ensuilt :
Censies des Villes et fauxbours de Concq
Et premier
Avons commancé par la Grande Rue près la Porte du Passage et conthinué par le costé d'icelle devers Beuzec.
Me Allain PROUHET, procureur de noble homme Allain LE CAIN, sieur de Keranquelfen cognoit tenir et profilter le petit jardin cerné d'un costé du mur [f° 6 recto]de la Ville ; et d'autre costé d'un jardin cy devant profilté par Louise de BEAUCOURS et à présant par Maistre Mathias HAMON, et d'un boult sur la Porte du Passage. Et doibt de rente vingt deniers monnoye.
Et pour ce ... XX deniers monnoye
Un aultre jardin, joignant le précédant d'un costé ; d'autre sur le chemin d'entre la maison à Me Mathias HAMON & consors ; et d'un boult sur la place quy conduist à la Porte du Passage ; et d'autre boult sur un petit jardin à présant pocédé par Me Allain YEZECQUEL. Ledit jardin à présant tenu par ledit HAMON pour en payer au Roy deux sols, six deniers.
Et pour ce ... II sols VI deniers monnoye
Aultre petit jardin joignant d'un costé au mur de ceste Ville où est la Porte aux Larrons & d'aultre costé au jardin cy-dessus describé ; et d'un boult sur la maison de GOURMELLEN à présant à Me Allain YEZECQUEL, ledit jardin...
|