E:15890922
|
|
Calendrier : Grégorien |
|
1001
1101
1201
1301
1401
1501
1601
1701
1801
1901
2001
2101 |
Vendredi 22 septembre 1589
- Journal de Jérôme d'Arradon, (à Hennebont) [i]
"Le vendredi xxii dudit mois, je receu un mémoire de La Vigne par Jean de Launay lequel je depeschai incontinent & fis bailler un tonneau de vin au charretier qui estoit venu de Poultriguin, & mandé audit La Vigne s'en revenir incontinent parce que j'avois entendu que les sieurs de Chasteauneuf et du Pont
estoient partis de Rennes avec trois cents bons chevaux & cinq cents arquebusiers, tant à cheval qu'à pied, & vouloient aller je ne sçay où.
Le mesme jour, j'escrivis à Messieurs de Quimperlé & au sieur Le Baud de QuimperCorantin, afin qu'ils se fussent tins sur leurs gardes à cause desdits sieurs de Chasteauneuf & du Pont, l'audace desquels je prie le bon Dieu de tout mon coeur vouloir abaisser & leur faire cognoistre le bon chemin, ou autrement les exterminer en bref par sa sainte grâce. Ainsi soit-il.
Ledit jour, je receu une lettre de Mr. du Garo par laquelle il me mandoit que Monseigneur du Maine avoit défait l'arrière-garde du Roy de Navarre près Dieppe.
Dieu veuille exterminer en bref ledit Roy de Navarre & ses malheureux complises, lesquels il y a si long-temps qu'ils persécutent l'Eglise de Jésus-Christ & ses membres."
