| Source : FRAD044 B 1208, parchemin de .. folios (non numérotés)
[ folio 1, recto ]
[ En marge ]
Jehan du Quélennec
Le baron du Pont
Conq Foesnant et Rospreden
Déclaration et denumbrement par mynu des terres, rantes et heritaiges, fiés et obéissances seigneureryes, Que hault et puissant Jehan du Quélennec, baron du Pont, vicomte du Fou, seigneur de Rostrenen, du Quélennec, de Coetcoff, Coetheloret etc. au fyé proche subjects à foy, homaige et debvoir de rachapt quant le cas advient, de Monseigneur le Dauphin, fils aisné du Roy, duc et seigneur propriétaire de Bretaigne en et soubs sa Court et Jurisdiction de Concq, Foesnant et Rospreden à cause de sa Duché de Bretaigne sans aulchun debvoir de cheffrante luy en debvoir poyer par an à cause des heritaiges cy amprès déclairés, advenus audit seigneur du Pont par le debceix [décès] et trespas de feu Charles du Quélennec son père, mort & debcedé envyron [... blanc ...].
Et Premier
En la Parroesse de Beuzec Concq
Le Manoir de Coetcoff, ses issues et
apartenances contenants soubs maisons, pourpris, creiches, portes [cours], jardrins, courtils, aeres [aires], bois de haulte fustaie, bois taillis, contenants lesdites maison et courtils environ ung journau et demi.
- Item, soubs ledit bois de haulte fustaie environ ung demi journau.
- Item, soubs bois taillis environ dix-ouict journaulx.
- Item, soubs terre chaulde environ douze journaulx.
- Item, soubs terre froide environ quinze journaulx.
- Item, soubs praeries et feniers fauchables environ trois journaulx.
Ferant ledit manoir et bois taillis d'un endroict sur terres [folio verso] à Kerusczart~ et [à ?] Tréanna et des autres endroicts sur terres audit seigneur.
Lequel manoir est arranté et tenu dudit sieur à taillée, fors ledit bois taillis, lequel n'est arranté, par Mahé GLEMAREC, et ses consorts, Guillaume LE LYSYOU et Yvon HERVE pour lui en debvoir poyer par an audit tiltre à chacun terme de la Sainct Michel en Montegargañe la somme de six Livres dix souls monnoye.
Et pour ce : vi L x s.
ITEM, le lieu que tient dudit seigneur Jehan LE BRIZ au villaige de Stang an Diczou, de taille, contenant soubs maisons, pourpris, jardrins, courtills, aeres [aires], et martroys [place du village] environ ung journeau de terre.
- Item, soubs terre chaulde, environ cincq journaulx.
- Item, soubs terre froide, environ six journaulx.
- Item, soubs praeries, environ ung demi journau.
Ferant ledit lieu, d'un endroict sur le Bois taillis dudit manoir de Coetcoff, d'aultre endroict sur le chemin conduisant de Rospreden à Concq et de touts aultres endroicts sur terres audit seigneur.
Pour ledit Briz, poyer par an audit tiltre la somme de cincquante souls monnoye.
Et pour ce : L s.
[folio]
ITEM, le lieu que tient Ambroise LE GOFF BIHAN [Goffbihan ?] et Charles TUGDOAL au villaige de Keranpon dudit seigneur à tiltre de taille, contenant soubs maisons, creiches, pourpris, jardrins, courtills, aeres et martroys dudit villaige, environ ung journau de terre.
- Item, soubs terre chaulde, environ quatre journaulx.
- Item, soubs terre froide, environ six journaulx.
- Item, soubs praeries fauchables, environ ung demi journau.
Ferant ledit lieu d'un endroict sur ung ruisseau d'eau qui dévale d'ung pont nommé Pont an Deuff, d'aultre endroict sur terre à la damme de Kervisczart~
Pour lesdits nommés en debvoir poyer audit seigneur par an à chacun dit terme de la Saint Michel la somme de vignt et sept souls six deniers monnoye.
Et pour ce : xxvii s. vi d.
ITEM, le villaige de Keranloedec que tient dudit seigneur du Pont Charles TUGDOAL et Mahé JAOUHEN, contenant soubs maisons, pourpris, creiches, jardrins, courtills, aeres et martroys, environ ung journau de terre.
- Item, soubs terre chaulde, environ six journaulx.
- Item, soubs terre froide, environ dix journaulx.
- Item, soubs pré, environ ung journau.
Ferant d'un endroict sur terres à la dame de Kervisczart, d'aultre endroict sur terres ès apartenances dudit manoir de Coetconff,
Pour ledit Tugdoal et Jaouhen en poyer par an à chacun terme de la Sainct Michel audit seigneur du Pont la somme de soixante dix souls monnoye.
Et pour ce : Lxx s.
[folio]
ITEM, le moulin de Coetconff qui est affermé o les hommes cy-dessus nommés pour en debvoir poyer la somme de trante souls monnoye par an à chacun terme de la Sainct Michel.
Et pour ce : xxx s.
En la parroesse de Nyzon
Le villaige de Kerosgant
...
[ à compléter ]
...
[folio, recto]
Aultres terres quieulx
cognoist ledit sieur du Pont tenir soubs ledit Duc
à cause de sadite Duché de Bretaigne, soubs ladite Jurisdiction
de Rosporden
Et Premier
Le Manoir de Coetheloret
En la parroesse de Tourch
Soubs la Jurisdiction de Rospreden
Le Manoir o ses issues et apartenances, boys et courtills, prés, preries, garennes, moulin et aultres yssues contenant soubs les maisons, pourpris, estaiges, courtils, vergiers, envyron ung journeau et demy.
- Item, soubs boys de haulte fustaye et boys taillis contenant envyron deux journaulx.
- Item, soubs terre chaulde et labourable envyron cincq journaulx.
- Item, soubs terre froyde envyron cincq aultres journaulx.
- Item, soubs preries fauchables envyron deux journaulx et demy.
Ferant ledict manoir, ses yssues et apartenances d'un endroit sur la rivière d'Aven ; d'aultre endroit sur aultres terres apartenantes audit seigneur.
Lequel manoir est tenu dudit seigneur taille? par Jehan Le Scoezec, Louys Le Gourlay, Jehan Le Scoezec et Yvon Carrer~.
Et pour ce :
[folio verso]
ITEM, ledit Moulin [de Coetheloret] qui est moulin grys (sic !) a coustume estre arranté quarante six rennées [de] seigle o environ, mesure seigle dudit seigneur par comune année, sauff à y rabattre les charges.
Et pour ce : xlvi rennées seigle
Le Villaige de Gorre an Coet
ITEM, ledit villaige qui est tenu dudit seigneur audit tiltre de taille par Alain GUILLERM, la veuffve de Bertrem HELIAS et leurs consorts contenant ledit villaige soubs maisons, cortils et pourpris environ ung journau.
- Item, soubs terres chaulde environ quatre journaulx.
- Item, soubs terres froides environ aultres quatre journaulx.
- Item, soubs preries environ ung journau.
Pour lesdits detenteurs en debvoir poyer par an à chacun jour et terme de Monsieur Sainct Michel en Montegargane, la somme de cent souls.
Et pour ce : C s.
ITEM, ung parc que tient les demeurants audit villaige par dehors de leur tenue pour en payer audit seigneur de taille la somme de vingt souls monnoie.
Et pour ce : xx souls
Le Villaige de Kerhuolet
[folio recto]
ITEM, ledit villaige de Kerhuolet que tient Yvon LE SCOEZEC à paraill tiltre, contenant soubs maisons, pourpris et courtills environ un demi journau.
- Item, soubs terre chaulde environ deux journaulx et demi.
- Item, soubs terre froide environ trois journaulx.
- Item, soubs pré fauchable environ demi journau.
Pour ledit Scoezec en debvoir poyer par an à chacun terme de la Saint Michel audit tiltre de taille la somme de vignt souls monnoye.
Et pour ce : xx souls.
Le Villaige de Kerysac
ITEM, les lieulx & leurs apartenances auquieulx demeurent Germain LUCAS et Henry GUILLERM contenants soubs maisons, pourpris, martroys [place commune], et courtills dudit villaige environ ung journau de terre.
- Item, soubs terre chaulde environ six journaulx.
- Item, soubs terre froide, environ cincq journaulx.
Pour lesdits detenteurs en poyer par an audit tiltre de taille la somme de soixante souls monnoye, deux rennées avoine et deux chappons.
Et pour ce : lx sols, ii rennées avoine, ii chappons
Le Villaige de Locunguff
Le lieu que tient Paoul CARRER et ses consorts dudit seigneur audit tiltre de taille contenant soubs maisons, pourpris, jardins, aires et martroys environ ung journau.
- Item, soubs terre froide environ cincq journaulx.
- Item, soubs terre chaulde environ quatre journaulx.
- Item, soubs pré environ ung journau.
Pour ledit Carrer et consorts en debvoir poyer par an audit tiltre de taille à chacun terme de la Sainct Michel, la somme de quarante souls monnoie, deux rennées avoine & deux chappons.
Et pour ce : ...
[folio verso]
Le Villaige de Kerblohiou
Les lieulx quieulx tiennent Jehan LE REST et la veuffve d'Allain LE REST et ses enffants contenants soubs maisons, pourprins, creiches, martroys et courtils environ ung journau de terre.
- Item, soubs terre chaulde environ sept journaulx.
- Item, soubs terre froide environ six journaulx.
- Item, soubs praeries environ ung journau.
Pour lesdits nommés en debvoir poyer par an à chacun terme de la Saint Michel audit tiltre de taille la somme de soixante souls monnoye, deux rennées avoine et deux chappons.
Et pour ce :
Le Villaige de Bron Uhellaff
Les Lieulx et tenues que tient Jehan LUCAS et Jehan JEZEQUEL, la veuffve [de] Jehan LUCAS, Guillaume LUCAS contenant soubs maisons, pourpris, aeres, courtills & martroys dudit villaige environ ung journau et demi.
- Item, soubs terre chaulde environ ouict journaulx.
- Item, soubs terre froide environ sept journaulx.
- Item, soubs preries environ deux journaulx.
Pour lesdits nommés en debvoir poyer par an audit tiltre de taille à chacun terme de la Sainct Michel la somme de quatre Livres monnoie deux rennées avoine et deux chappons.
Et pour ce :
[folio recto]
Le Villaige de Bron Ysellaff
Le Lieu que tient la veuffve [de] Lorans JEZEQUEL contenant soubs maisons pourpris aeres courtills jardins et martroys dudit villaige environ ung demi journau.
- Item, soubs terre chaulde environ cincq journaulx.
- Item, soubs terre froide environ quatre journaulx.
Pour ladite veuffve en debvoir poyer par an audit tiltre de taille à chaun terme de la Sainct Michel la somme de soixante souls monnoye, deux rennées avoine et deux chappons.
Et pour ce :
Les lieulx de Jehan POEZEBARA, Guillaume POEZEBARA & Jehan LUCAS contenant soubs maisons, pourpris, jardins, aeres & martroys environ ung journau de terre.
- Item, soubs terre chaulde, environ cincq journaulx.
- Item, soubs terre froide, environ six journaulx.
Pour en poyer par an audit tiltre de taille à chacun terme à la Sainct Michel la somme de cincquante souls monnoie, deux rennées avoine, deux chappons.
Et pour ce :
Le Villaige de Kerrannou
Les lieulx que tiennent Yvon et François SALaün? audit tiltre de taille, les issues et apartenances contenant soubs maisons, creiches?, jardins, aeres et martroys environ deux (ou demy ?) journaulx ?
Item, soubs terre chaulde, environ dix journaulx,
- Item, soubs terre froide, environ neuff journaulx,
- Item soubs praeries environ troys journaulx.
Pour lesdits Salaün? en debvoir poyer par an audit tiltre de taille à chacun terme de la Sainct Michel la somme de [... blanc ...].
Le Villaige de Kergoasiou
Les lieulx que tiennent Yvon DAVID, Guillaume DAVID et leurs consorts dudit seigneur, audit tiltre de taille contenant soubs maisons pourpris, jardins aeres et martroys et boys de haulte fustaie, environ ung journau et demi.
- Item, soubs terre chaulde, environ ouict journaulx.
- Item, soubs terre froide, environ sept journaulx.
- Item, soubs praeries fauchables, environ ung journau et demi.
Pour lesdits només et leurs consorts en debvoir poyer par an audit tiltre à chacun terme de la sainct Michel la somms de trente cincq souls monnoie, deux rennées avoine et deux chappons.
Et pour ce :
Le Villaige de Kerylys Tourch
Le Lieu que tient Jehan LE LIGIOUR audit villaige contenant soubs maisons, pourpris, jardrins, aeres et martroys, environ ung journau.
- Item, soubs terre chaulde environ six journaulx.
- Item, soubs terre froide environ sept journaulx.
- Item, soubs feniers, environ ung journau et demi.
ITEM aultre tenue audit villaige que tient à pareil tiltre [...blanc...] [mais Barhuec ci-dessous ?]
contenant soubs maisons, pourpris, jardins, aeres et martroys environ ung journau.
- Item, soubs terre chaude, environ cincq journaulx.
- Item, soubs terre froide, environ six journaulx.
- Item, soubs feniers fauchables, environ ung demi journau.
Et ce pour lesdits Ligiour et Barhuec en debvoir poyer l'an à chacun terme de la Sainct Michel pour lesdites deux tenues la somme de soixante souls monnoye, deux rennées avoine et deux chappons.
Et pour ce :
Plus audit villaige tiennent Louys HUERMAN et Jehan LE BARHUEC dudit seigneur à pareil tiltre leurs lieux o leurs yssues et apartenances où ils demeurent, contenant soubs maisons, pourpris, jardins, courtills, aeres et martroys environ ung journau et demi.
- Item, soubs terre chaulde environ dix journaulx.
- Item soubs terre froide environ neuff journaulx.
- Item soubs prés fauchables environ ung journau.
Pour lesdits Huerman et Barhuec en debvoir poyer par an audit tiltre de taille à chacun terme de la sainct Michel la somme de cent ung souls, deux rennées avoine & deux chappons.
Et pour ce :
Le Villaige de Goezerop
Le lieu, ses yssues et apartenances que tient Jehan LE DU et ses consorts audit villaige contenant soubs maisons, pourpris, jardrins, courtills, aeres et martroys environ ung journau.
- Item, soubs terre chaulde, environ cincq journaulx.
- Item, soubs terre froide, environ six journaulx.
- Item, soubs feniers fauchables, environ ung demi journau.
Pour ledit Le Du en debvoir poyer par an audit tiltre de taille à chacun terme de la saint Michel la somme de trante cincq souls monnoie, deux rennées avoine et deux chappons.
Et pour ce :
Le Villaige de Drenec
Les lieulx, leurs issues et apartenances que ils tiennent dudit seigneur à tiltre de taille Katherine SALAUN et Alain TREFFLES son fils et les enffants [de] Guillaume TREFFLES, contenant soubs maisons, pourpris, courtills, jardrins, aeres et martroys environ ung journau de terre.
Item, soubs terre chaulde, environ six journaulx.
Item, soubs terre froide, environ six aultres journaulx.
Item, soubs prés fauchables, environ ung journau et demi.
Pour lesdits nommés en debvoir poyer par an à chacun terme de la Sainct Michel la somme de soixante souls monnoye, une rennée avoine et ung chappon.
ITEM, aultres tenues audit villaige que tient Henry TREFFLES et ses consorts à pareil tiltre, contenant soubs maisons, pourpris, jardrins, courtills aeres et martroys environ ung journau.
- Item, soubs terre chaulde, environ six journaulx.
- Item, soubs terre froide, environ ouict journaulx.
- Item, soubs préries, environ ung journau.
Pour ledit Henry Treffles et ses consorts en debvoir poyer par an à chacun terme de la Sainct Michel la somme de quatre Livres monnoie, deux rennées avoine, deux chappons.
Et pour ce :
PLUS aultre estaige audit villaige que tiennent Jehan TREFFLES et Yvon RICHART soubs ledit seigneur à pareille tiltre contenant soubs maisons pourpris, jardrins, courtills, aeres et martroys, environ ung journau.
- Item, soubs terre chaulde, environ six journaulx.
- Item, soubs terre froide, environ cincq journaulx.
- Item, soubs preries, environ ung demy journau.
Pour lesdits Jehan Treffles et Yvon Richart en debvoir poyer par an à chacun dit terme de la Sainct Michel la somme de cincquante cincq souls monnoie, une rennée avoine et ung chappon.
Et pour ce :
ITEM ung parc et piecze de terre apellé Parc an Coet sit ès apartenances dudit villaige de Gore an Coet que tient dudit seigneur, Alain GUILLERM et ses consorts, contenant ledit parc environ cincq journaulx de terre froide.
Pour lesdits Alain Guillerm et sesdits consorts en debvoir poyer par an audit tiltre de taille à chacun dit terme de la Sainct Michel en Montegargane, la somme de vignt et sept souls.
Et pour ce : xxvii souls
[folio]
ITEM cognoist ledit seigneur tenir aultre parc et piecze de terre apellée Parc Ty Roux contenant environ douze journaulx de terre froide, ferant d'un endroit sur le Chemin qui conduit du Bourg de Coray au Bourg paroissial d'Elyent et de deux aultres endroicts sur terre audit seigneur.
Lequel parc est tenu de luy audit audit tiltre par Yvon LE LIGIOUR pour luy en poyer par an audit tiltre de taille, la somme de : xlvii s. vi d. (47 s. 6 d.)
ITEM aultre parc et piecze de terre nommé Parc Poul Yryn, ferant d'un endroict sur ledit Chemin qui conduict dudit Bourg de Coray au Bourg paroissial d'Elyent, d'aultre endroict sur ledit Parc Ty an Roux.
Lequel parc contient environ ouict journaulx de terre froide.
Lequel est tenu dudit seigneur audit tiltre de taille par Jehan PONTPAOUL pour luy en poyer par an de taille la somme de sept souls six deniers monnoye.
Et pour ce : vii s. vi d.
ITEM, autre parc nommé Parc Kerguennou contenant environ deux journaulx de terre froide.
Lequel est tenu dudit seigneur par Dom Alain LE GUENNER, prêtre.
Pour en poyer audit seigneur par an audit tiltre de taille la somme de vignt et ung souls monnoye.
Et pour ce : xxi s.
ITEM, cognoist tenir aultre parc nommé Parc an Mengleuz site ès apartenances dudit villaige de Kerblohiou contenant environ trois journaulx de terre froide, lequel parc est tenu du Seigneur audit tiltre de taille par Jehan LE REST et ses consorts.
Pour luy en devoir poyer par an la somme de cincq souls monnoye.
Et pour ce : v souls
En la parroisse d'Elyent
soubs la jurisdiction de Rospredn
Et premier
Les lieulx et tenues quieulx tiennent Guillaume LE SCAUTET et Alain LE GALLANT au villaige de Penforn [Penzorn] contenant soubs maisons, pourpris, jardrins, courtills, aeres et martroys, environ un quart journau.
- Item, soubs terre chaulde, environ quatre journaulx.
- Item, soubs terre froide, environ trois journaulx.
Pour lesdits détenteurs en debvoir poyer par an à chacun terme de la Sainct Michel audit seigneur, la somme de cincquante souls monnoye de taille, deux rennées avoine et deux chappons.
Et pour ce :
ITEM, dessus ung parc que tient Yvon GUILLOU près [du] manoir de Tréanna, pour luy en debvoir poyer à chacun terme de la Sainct Michel la somme de deux souls.
Et pour ce :
ITEM, ung parc qu'ils tiennent Anthoine LE ROY, Hervé LE ROY, Olivier NYCOT [NICOT] et les héritiers de Charles LE ROY dudit seigneur à tiltre de taille nommé Parc an Melyn avel [Le Champ du moulin à vent] sis ès apartenances du villaige de Keroudreyn en ladite parroesse d'Elyent, pour lesdits détenteurs en debvoir poyer audit tiltre de taille à chacun dit terme de la Sainct Michel, la somme de cincq souls monnoye.
Et pour ce :
[folio verso (vide ?)]
[folio recto]
ITEM, la seigneurie de ligencze à foy et debvoir de rachapt dessus le manoir, ses yssues et apartenances de [...blanc...] que de luy est tenu prouchement par noble escuyer Gauvaing Le Gallou, sieur de Trevaneec~ et de [...blanc...] et dudit lieu de [...blanc...] pour ledit Gallou luy en debvoir poyer par an à chacun dit jour et feste de Monsieur sainct Michel la somme de dix souls monnoie.
Et pour ce :
[Note : Peut-être s'agit-il du manoir du Restou sur lequel on constatera également dix souls en 1639]
ITEM, la seigneurie de ligencze dessus le villaige de Coetasquoet que de luy tient prouchement Xpõfle [Christophe] Rospiec, pour ledit seigneur en debvoir jouir de rachapt quand le cas advient et aultres debvoirs seigneuriaulx ; sans aulchune cheffrante.
ITEM la seigneurie de ligencze de deux tenues. L'un d'iceulx appellé Ty Delyen Even~ et l'aultre apellé Glehuyou~ que de luy sont tenus prouchement et ligement pour luy en jouyr du rachapt quand le cas advient, avecques des aultres debvoirs seigneuriaulx par François et Yvon SALAUN et leurs consorts pour luy en debvoir poyer de cheffrante à chacun jour et feste de Mondit sieur Sainct Michel en Montegargane, scavoir dessus les héritaiges nommés Ty Delyen Even~ la somme de quinze souls monnoie ; et dessus ledit Glehuyou~ douze sols six deniers monnoie montant en tout à la somme de vignt et sept souls six deniers monnoye.
Et pour ce : xxvii s. vi d.
[Note : Peut-être à proximité de Kerrannou où l'on trouve aussi François et Yvon Salaün ? Voir aussi 1639]
[folio ]
ITEM la seigneurie de ligencze dessus ung tenement non herbergé nommé Kenechcaboucze situé ès apartenances du villaige de Penfoennec en la parroisse d'Elyent qui de luy est tenu prouchement à foy et debvoir de rachapt quant le cas advient par Jehan TUGDOAL [Tugdual ?], PRENNENEN, Guezennec PRENNENEN pour luy en debvoir poyer par chacun an de cheffrante à chacun jour et feste de Monsieur Sainct Michel en Montegargañ la somme de quarante ung souls monnoye.
Et pour ce :
ITEM, la seigneurie de ligencze dessus une estaige et tènement de héritaige non herbergé, vulgairement appellé Kerancolorec et que de luy tient à foy et debvoir de rachapt et aultres debvoirs seigneuriaulx par Katherine HELGOMMARCH, Jehan et Marye Le DU, Amicze HELGOMARCH, Marger [Marguerite ?] BOLORE,
Pour luy en poyer par an de cheffrante à chacundit jour et feste de Mondit sieur Sainct Michel en Montegargane la somme de vignt et six souls six deniers monnoye.
Et pour ce : xxvi s. vi d.
[folio ]
ITEM, la seigneurie de ligencze dessus ung tènement de terre sis au villaige de Kernevez en ladite parroesse de Tourch que tient dudit seigneur, noble escuyer Louys Le Vestle sans aulchun debvoir de cheffrante, fors le debvoir de rachapt et aultre debvoirs seigneuriaulx.
ITEM, la seigneurie de ligencze dessus le villaige de Keruozon [Kerhuon] sis en la parroesse d'Elyent, que tient prochement dudit seigneur Bernabas HERVÉ et Henry LE REST, pour le debvoir de rachapt quand le cas advient et pour luy debvoir poyer par an de cheffrante à chacun jour et feste de Monsieur Sainct Michel en Montegargane la somme de trante souls monnoye.
Et pour ce : xxx souls
ITEM, la seigneurie de ligencze o le debvoir de rachapt de la somme de quinze souls dessus ung parc appellé Parc Baelec que tient Lorans du Plesseix, sieur de Kermynyhy dudit seigneur et sans aulchun debvoir de cheffrante.
[folio ]
ITEM, la seigneurie de ligencze dessus ung parc nommé Parc Kervriant sis ès apartenances du villaige de Coetylys Tourch en ladite parroesse de Tourch que tient prochement dudit seigneur, à foy et debvoir de rachapt Guillaume CALVEZ, en nom et comme garde naturel de Henry, Charles, François et Guillaume CALVEZ ses enffants, François LE DEUFF en nom et comme garde naturel pour Guillaume et Jehan LE DEUFF ses enffants, audit seigneur, de cheffrante par an à chacun dit terme de la Saint Michel en Monte Gargane, deux deniers monnoye.
Et pour ce : ii d.
ITEM, la seigneurie de ligencze dessus le villaige et pourpris de Coetylys Tourch que tient prouchement dudit seigneur Jehan PAIGE et Guillaume PAIGE, Jacques EVENOU garde de ses enffants, pour ledit seigneur en debvoir de rachapt quand le cas advient avecques debuement? lesdits détenteurs luy en poyer par an à chacun terme et feste de mondit sieur Sainct Michel, la somme de dix ouict deniers monnoye.
Et pour ce : xviii d.
[folio]
ITEM, la seigneurie de ligencze sur les lieulx et tenues où demeurent Alain HELYOU, Yvon LE SCOEZEC au villaige de Kerouhezre que tient prochement dudit seigneur Bertrem [Bertrand] LE GAHU sieur du Clacziors? curateur de Xpõfle [Christophe] Rospiec sans luy debvoir aulchun debvoir de cheffrante fors qu'il doibt ledit seigneur du rachapt quand le cas advient et des aultres debvoirs seigneuriaulx.
[Note : il y avait des Gahu en 1481 à Coray à l'occasion de la réformation]
ITEM, la seigneurie de ligencze dessus deux parcs et pieczes de terre appellés Parcou Kerdantec sis ès apartenances du villaige de Kerysac [Kerézec] en ladite parroesse de Tourch.
Lesquieulx parcs tient dudit seigneur prouchement et ligement o le debvoir de rachapt et aultres debvoirs seigneuriaulx Olivier BEAUCOURS sans aulchun debvoir de cheffrante.
ITEM, la seigneurie de ligencze apartenant audit seigneur, dessus le villaige, ses yssues et apartenances de Kerfraval sis en ladite parroesse de Tourch, que tient dudit seigneur, prochement, Maistre Henry HEMERY, pour ledit seigneur en debvoir jouir de rachapt quand le cas advient et des aultres debvoirs seigneuriaulx, sans ledit Hemery luy en debvoir poyer aulchun debvoir de cheffrante.
[folio]
ITEM, la seigneurie de ligencze sur un parc nommé Parc an Pont aultrement Parc Coethascoet sis ès apartenances de Coethascoet en ladite parroesse de Tourch, qu'ils tiennent prochement à foy et debvoir de rachapt dudit seigneur quand le cas advient Bertrem et Jehan LE DU pour luy en poyer par an la somme de six deniers monnoye.
Et pour ce : vi d.
ITEM, la seigneurie de ligencze sur quatre parcs, l'un d'entre eulx appellé Parc an Sanct, l'aultre Parc an Trychenec, l'aultre appellé Parc Roux douze seillons de terre, et l'aultre Parc Coethelant situés près la chappelle de Sainct Guennel en ladite parroesse d'Elyent.
Lesquieulx parcs sont tenus prochement dudit seigneur par Jehan et Alain LE GALL o la charge de en poyer de cheffrante audit seigneur par an à chacun jour et terme de la Sainct Michel, oultre jouir du rachapt et autres debvoirs seigneuriaulx quant le cas advient, ung denier monnoye.
Et pour ce : i d.
À cause desquelles terres, seigneuryes et jurisdictions ledit seigneur et Baron du Pont,
- a, Court, et Juridiction haulte, basse et moyenne exercée par sénéchal, lieutenant, procureur, greffier, sergents, leurs comys [commis] et substituts et aultres officyers de Justice.
- a, Privillège de menée esdites Courts et Jurisdictions de Conq, Foenant et Rospreden, pour luy et ses subjects à estre déclarés à plets [plaids] généraulx desdites Courts et Jurisdictions tant à cause desdites baronyes et seigneurye du Coetconq distinctement l'une de l'autre en ordre de mesnées.
Et tout ce que devant ledit Baron du Pont, présent devant nous par nostredicte Court de Kerahès [Carhaix] congnoist et confesse et estre vray et contenyr vérité.
Et à celle cause a juré foy et fidellité à Monditseigneur le Duc, et luy faire et à sadite Court touts devoyrs seigneurieulx, sellon la nature du fieff.
Et pour présenter ce présent mynu et dénumbrement, a, ledit Baron du Pont institué et establi à [comme] son procureur spécyal Me Jehan Bobille.
Et pour tant que ledit Baron du Pont l'a aussi congneu [reconnu], voullu, promys gréé, juré tenyr, fournyr et acomplyr et ne venyr jamays à l'encontre [nous] l'avons de son consentement quant à ce par nostredicte Court condempné et le y condempnons.
Donné tesmoign de ce, le sceau establi aulx contracts de nostredicte Court à cestes mys.
Ce fust faict et gréé au Chasteau de Rostrenen en la salle basse d'icelluy, le quatorziesme jour d'apvril puix [après] Pasques, l'an mil cinq cents quarante troys.
[ Signatures de : ]
N? Le Trancher, passe
G? Bihan, passe
|
